வருகிற 4ம் தேதி அதிமுக மாவட்ட செயலாளர்கள் கூட்டம் ..அதிமுக தலைமை கழகம் அறிவிப்பு
By: vaithegi Fri, 01 Sept 2023 1:18:21 PM
சென்னை: வரும் 4ம் தேதி அதிமுக மாவட்ட செயலாளர்கள், சட்டமன்ற மற்றும் நாடாளுமன்ற உறுப்பினர்கள் குழு கூட்டம் நடைபெறுகிறது. இதனை அடுத்து இதுகுறித்து வெளியிட்டுள்ள அறிக்கையில் தெரிவிக்கப்பட்டுள்ளதாவது, அனைத்திந்திய அண்ணா திராவிட முன்னேற்றக் கழகப் பொதுச் செயலாளர், மாண்புமிகு சட்டமன்ற எதிர்க்கட்சித் தலைவர்,
தமிழ் நாடு முன்னாள் முதலமைச்சர் திரு. எடப்பாடி K. பழனிசாமி அவர்கள் தலைமையில், தலைமைக் கழக புரட்சித் தலைவர் எம்.ஜி.ஆர். மாளிகையில், வரும் 4.9.2023 - திங்கட் கிழமை காலை 9.30 மணிக்கு,
தலைமைக் கழகச் செயலாளர்கள், மாவட்டக் கழகச் செயலாளர்கள், கழக நாடாளுமன்ற, சட்டமன்ற உறுப்பினர்கள் மற்றும் மதுரையில் 20.8.2023 அன்று நடைபெற்ற கழக வீர வரலாற்றின் பொன்விழா எழுச்சி மாநாட்டை சிறப்புடன் நடத்துவதற்காக அமைக்கப்பட்டிருந்த பல்வேறு மாநாட்டுக் குழுவினர்கள் அடங்கிய ஆலோசனைக் கூட்டம் நடைபெறவுள்ளது.
எனவே இந்த ஆலோசனைக் கூட்டத்தில், மேற்கண்ட பொறுப்புகளில் இருக்கும் தவறாமல் கலந்துகொள்ளுமாறு அனைவரும் கொள்கிறோம். என்று அதில் தெரிவிக்கப்பட்டுள்ளது