அன்புமணி ராமதாஸ் தீபாவளி வாழ்த்து தெரிவிப்பு

சென்னை: “கொண்டாட்டங்கள் எப்போதும் மகிழ்ச்சியானவை” .... பாமக தலைவர் அன்புமணி ராமதாஸ் தெரிவிக்கப்பட்டுள்ளதாவது, “கொண்டாட்டங்கள் எப்போதும் மகிழ்ச்சியானவை; அனைவராலும் விரும்பப்படுபவை. அத்தகையக் கொண்டாட்டங்களில் தீப ஒளிக்கு சிறப்பான இடம் உண்டு. தீபஒளித் திருநாள் என்றாலே மகிழ்ச்சியும், கொண்டாட்டமும் தான் நினைவுக்கு வரும்.

புத்தாடை அணிந்து, மத்தாப்புக் கொளுத்தி, பிற மத நண்பர்களுக்கும், அண்டை வீட்டாருக்கும் இனிப்பு வழங்கும் வழக்கம் நட்பை வலுப்படுத்துவதுடன், நல்லிணக்கத்தையும் தழைக்கச் செய்கிறது. இது தான் தீப ஒளித் திருநாளின் சிறப்பாகும்.

இதையடுத்து நாட்டிலும், வீட்டிலும் இருளை நீக்கி, ஒளியை நிறைக்கும் தீபஒளித் திருநாள் இனி வரும் ஆண்டுகள் அனைத்தும் மகிழ்ச்சியையும், வளர்ச்சியையும் மட்டுமே வழங்க வேண்டும். அதற்கு தமிழகத்தில் உழவும், தொழிலும் சிறக்க வேண்டும்.

தமிழ்நாடும், தமிழ்நாட்டு மக்களும் முன்னேற வேண்டும். மக்களிடையே அன்பு, நட்பு, நல்லிணக்கம், சகோதரத்துவம் ஆகியவை மலர வேண்டும். மேலும் போட்டி, பொறாமை, பகைமை, வெறுப்பு போன்றவை விலக வேண்டும் என கூறி தீப ஒளி வாழ்த்துகளை தெரிவித்துக் கொள்கிறேன்” என அதில் அவர் குறிப்பிட்டு உள்ளார்.