பாஜக எம்.பி. ரவி கிஷன் பேச்சுக்கு பதிலடி கொடுத்த எம்.பி., ஜெயா பச்சன்

பதிலடி கொடுத்தார்... நேற்று திரைத்துறையில் போதைப்பொருள் பயன்பாடு தொடர்பான பிரச்சினையை எழுப்பிய பாஜக எம்.பி. ரவி கிஷனை நேரடியாக பெயரிடாமல், சமாஜ்வாடி கட்சி எம்.பி. ஜெயா பச்சன் பதிலடி கொடுத்துள்ளார்.

நடிகர் சுஷாந்த் சிங் ராஜ்புத்தின் மரணம் தொடர்பான விசாரணையின் போது வெளிவந்த போதைப்பொருள் பயன்பாடு மற்றும் வழங்கல் குறித்து மும்பை போதைப்பொருள் கட்டுப்பாட்டு பணியகம் (என்சிபி) விசாரணை மேற்கொண்டுள்ள நேரத்தில் இது தற்போது பாராளுமன்றத்திலும் எதிரொலித்துள்ளது.

முன்னதாக பாராளுமன்ற மழைக்காலக் கூட்டத்தொடர் நேற்று தொடங்கிய நிலையில் எம்.பி., ரவி கிஷன், திரையுலகில் போதைப்பொருள் பயன்பாடு குறித்து தனது கருத்துக்களைத் தெரிவித்திருந்தார்.

அது ஆட்சேபிக்கும் விதமாக இருப்பதாகக் கூறி இன்று ஜீரோ மணி நேரத்தில் பேச ஜெயா பச்சன் நோட்டீஸ் கொடுத்தார்.

“சிலர் அவ்வாறு இருப்பதால், முழுத் தொழில்துறையின் உருவத்தையும் நீங்கள் களங்கப்படுத்த முடியாது. நேற்று மக்களவையில் உள்ள ஒரு உறுப்பினர், திரையுலகத்தைச் சேர்ந்தவர், ஆனால் அதற்கு எதிராகப் பேசியதற்கு நான் வெட்கப்படுகிறேன். இது ஒரு அவமானம்.” கூறினார்.

“பொழுதுபோக்கு துறையில் உள்ளவர்கள் சமூக ஊடகங்களால் அடித்துச் செல்லப்படுகிறார்கள். தொழில்துறையில் தங்கள் பெயரை நிலைநாட்டியவர்கள் இதை தங்கள் மீது சேற்றை வாரி இறைப்பதைப் போல் பார்க்கின்றனர். நான் இந்த கருத்துக்கு முற்றிலும் உடன்படவில்லை. இதுபோன்ற சொற்களை பயன்படுத்த வேண்டாம் என்று அரசாங்கம் கூறும் என்று நான் நம்புகிறேன்.” என்று அவர் கூறினார் .