சீன அதிபர் கொரோனாவை கையாண்டதை விமர்சித்த தொழில் அதிபருக்கு 18 வருட சிறைத்தண்டனை

உலகம் முழுவதும் பரவி கொரோனா வைரஸ் முதன் முதலாக கடந்த ஆண்டு இறுதியில் சீனாவில் உள்ள வுகான் நகரில் தான் தோன்றியது. கொரோனா வைரஸ் விவகாரத்தில் பலரும் சீனாவை குற்றம் சாட்டி வருகின்றனர். இந்நிலையில் சீன மூத்த அதிகாரிகளுடன் நெருங்கிய உறவைக் கொண்ட ஓய்வுபெற்ற ரியல் எஸ்டேட் அதிபர் ரென் ஷிகியாங் மார்ச் மாதத்தில் திடீரென மாயமானார்.

ரென் ஷிகியாங், சீன அதிபர் ஜி ஜின்பிங் கொரோனா தொற்றை கையாண்டதை விமர்சித்தவர் ஆவார். மேலும் அதே மாதத்தில் ரென் ஷிகியாங் ஒரு மோசமான கட்டுரை எழுதியதாகக் கூறப்படுகிறது. பின்னர் அவர் மீது ஊழல் தொடர்பான குற்றங்கள் சுமத்தப்பட்டன.

கடந்த செவ்வாயன்று பெய்ஜிங்கில் உள்ள ஒரு நீதிமன்றம், பொது நிதியில் சுமார் 3 16.3 மில்லியன் மோசடி, லஞ்சம் வாங்குதல், மற்றும் அதிகாரத்தை துஷ்பிரயோகம் செய்தல் உள்ளிட்ட பல குற்றச்சாட்டுகளில் ரென் குற்றவாளி எனக் கண்டறிந்தது. அதன்படி, நீதிபதிகள் அவருக்கு 18 ஆண்டுகள் சிறைத்தண்டனை விதித்து 620,000 டாலர் அபராதம் விதித்தனர்.

இதுகுறித்து நீதிமன்றம் கூறுகையில், அவர் செய்த குற்றங்கள் அனைத்தையும் தானாக முன்வந்து ஒப்புக்கொண்டதாக கூறி உள்ளது. 69 வயதான ரென் பெரும்பாலும் சீன அரசியலைப் பற்றி வெளிப்படையாகப் பேசினார், பொதுவாக சர்வாதிகார அரசில் அனுமதிக்கப்பட்டதை விட அதிகமாக பேசினார். அவரது நேர்மை காரணமாக அவருக்கு சீன சமூக ஊடகங்களில் "தி கேனான்" என்ற பெயரை அளித்தது.