வரும் பிப்ரவரி 1ம் தேதி மத்திய பட்ஜெட் தாக்கல்

புதுடில்லி: 2023-24 ம் நிதியாண்டுக்கான மத்திய பட்ஜெட் பிப்ரவரி 1-ந் தேதி தாக்கலாகும் என தகவல் வெளியாகியுள்ளது.


இதில் வரி குறைப்பு உட்பட மக்கள் பயன்பெறும் வகையில் பல சிறப்பம்சங்கள் இருக்குமா என்ற எதிர்பார்ப்பு எழுந்துள்ளது. வரும் 2023- 2024ம் நிதியாண்டுக்கான மத்திய பட்ஜெட் வரும் பிப்ரவரி 1ம் தேதி தாக்கல் செய்யப்படுகிறதாம்.

இதற்காக நாடாளுமன்ற பட்ஜெட் கூட்டத் தொடர் இரண்டு கட்டங்களாக நடைபெறும் என எதிர்பார்க்கப்படுகிறது.

பட்ஜெட்டை மத்திய நிதி அமைச்சர் நிர்மலா சீதாராமன் பிப்ரவரி 1-ந்தேதி தாக்கல் செய்கிறார். பட்ஜெட் கூட்டத்தொடரின் இரண்டாவது அமர்வு, நாடாளுமன்றத்தின் புதிய கட்டடத்தில் நடைபெறும் என்றும் தகவல்கள் தெரிவிக்கின்றன.