காலாண்டு விடுமுறை தேதியில் மாற்றம்

சென்னை: தமிழகத்தில் கோடை வெயிலின் காரணமாக பள்ளிகள் 10 நாட்கள் தாமதமாகவே தொடங்கிய நிலையில் தற்போது சனிக்கிழமைகளிலும் வகுப்புகள் நடத்தப்பட்டு கொண்டு வருகின்றன. இச்சூழலில் செப்டம்பர் மாதம் 2-ம் வாரத்தில் காலாண்டு தேர்வுகள் தொடங்கின. இதனிடையே முதல் 12-ஆம் வகுப்பு மாணவர்களுக்கான காலாண்டு விடுமுறை அறிவிக்கப்பட்டிருந்தது.

அதைத்தொடர்ந்து 1-3ம் வகுப்புகளுக்கு வருகிற செப்.23 - அக்.2 ஆம் தேதி வரை 10 நாட்கள் விடுமுறை அளிக்கப்படும் எனவும், 4-12ம் வகுப்பு மாணவர்களுக்கு செப்.28 - அக்.2 ஆம் தேதி வரை 5 நாட்கள் விடுமுறை விடப்பட்டு அக்.3ம் தேதி பள்ளிகள் மீண்டும் திறக்கப்படும் எனவும் பள்ளிக்கல்வித்துறை அறிவித்திருந்தது.

இந்த நிலையில் 2 கட்டங்களாக மாநிலக் கல்வியியல் ஆராய்ச்சி மற்றும் பயிற்சி நிறுவனம் சார்பாக அக்டோபர் 6 ஆம் தேதி வரை ஆசிரியர்களுக்கு பயிற்சி வகுப்புகள் நடைபெறுவதால் காலாண்டு விடுமுறை தேதியில் மாற்றம் செய்யப்பட்டு உள்ளது.

எனவே அதன்படி, 1 முதல் 5 ஆம் வகுப்பு அரசு பள்ளி மாணவர்களுக்கு அக்டோபர் 3 ஆம் தேதிக்கு பதிலாக 9 ஆம் தேதியில் பள்ளிகள் திறக்கப்படும் என்று அறிவிக்கப்பட்டுள்ளது. இதேபோன்று 6 முதல் 8ஆம் வகுப்புகளுக்கு அக்டோபர் 3-ல் பள்ளிகள் திறக்கப்படும் என அறிவிக்கப்பட்டுள்ளது.