ஆசிர்வா யாத்திரையில் பங்கேற்ற முதல்வர் ஏக்நாத் ஷிண்டே

மும்பை: முதல்வர் பங்கேற்பு... மும்பையில் பா.ஜனதா, சிவசேனா கட்சிகள் சாா்பில் தொடங்கிய ஆசிர்வா யாத்திரையில் முதல்-அமைச்சர் ஏக்நாத் ஷிண்டே கலந்துகொண்டார். மராட்டியத் மாநிலத்தில் கஸ்பா பேத், சிஞ்வாட் தொகுதி இடைத்தேர்தல் கடந்த மாதம் நடந்தது.

தேர்தலில் 28 ஆண்டுகளுக்கு பிறகு கஸ்பா பேத் தொகுதியை பா.ஜனதா காங்கிரசிடம் பறி கொடுத்தது. இந்தநிலையில் மக்களை சந்திக்க மும்பையில் பா.ஜனதா – சிவசேனா (ஷிண்டே தரப்பு) கட்சிகள் இணைந்து ‘ஆசிர்வாத் யாத்திரையை’ தொடங்கி உள்ளது. யாத்திரையின் போது மும்பையில் உள்ள 6 நாடாளுமன்ற தொகுதி மக்களை பா.ஜனதா, சிவசேனாவினர் சந்திக்கின்றனர்.

நேற்று முதல் நாள் முல்லுண்டு உள்ளிட்ட பகுதிகளில் மும்பை பா.ஜனதா தலைவர் ஆஷிஸ் செலார் தலைமையில் கட்சியினர் பேரணியாக சென்று மக்களை சந்தித்தனர்.

இந்த யாத்திரையில் முதல்-அமைச்சர் ஏக்நாத் ஷிண்டே கலந்து கொண்டார். யாத்திரை தொடர்பாக ஆஷிஸ் செலார் கூறுகையில், “முதல் நாளில் 2 நாடாளுமன்ற தொகுதிகளில் மக்களை சந்தித்தோம்.

வருகிற 9-ந்தேதி 2 தொகுதிகளிலும், 11-ந்தேதி 2 தொகுதிகளிலும் யாத்திரை மேற்கொள்ள உள்ளோம். யாத்திரையின் முக்கிய தலைவர்கள் கோவில்கள் உள்ளிட்ட இடங்களுக்கு செல்வார்கள். மக்களை சந்திப்பார்கள்” என்றார்.