நிலவில் இருந்து பாறை துகள்களை எடுத்து வர விண்கலத்தை விண்ணில் செலுத்தியது சீனா

அமெரிக்கா, ரஷியா போன்ற நாடுகள் நிலவிலிருந்து பாறை துகள்ளை பூமிக்கு எடுத்து வந்து ஆய்வு நடத்தின. இந்நிலையில் இந்த நாடுகளின் வரிசையில் தற்போது சீனாவும் சேர்ந்துள்ளனது. அதன்படி, நிலவை ஆராய்ச்சி செய்வதில் சீனா தீவிர கவனம் செலுத்தி வருகிறது. 1976-ம் ஆண்டுக்குப் பிறகு முதல் முறையாக சீனா நிலவிலிருந்து பாறை துகள்ளை பூமிக்கு எடுத்து வந்து ஆய்வு செய்ய உள்ளது.

இந்நிலையில் இதற்காக சேஞ்ச் 5 என்கிற ஆளில்லா விண்கலத்தை சீனா இன்று அதிகாலை விண்ணில் செலுத்தியது. அந்த நாட்டின் ஹனைன் மாகாணத்தில் உள்ள வென்சாங் ஏவுதளத்தில் இருந்து லாங் மார்ச் 5 ராக்கெட் மூலம் சேஞ்ச் 5 விண்கலம் நிலவுக்கு புறப்பட்டது.

நிலவில் இருந்து வெற்றிகரமாக பாறை துகள்களை பூமிக்கு எடுத்து வரும் இந்த விண்கலம், டிசம்பரில் திரும்பும் என்று எதிர்பார்க்கப்படுகிறது. இந்த விண்கலம் மூலம் நிலவில் இதுவரை கால் பதிக்காத பகுதியான ‘ஓஷன் ஆப் ஸ்டார்ம்ஸ்’ என்ற பகுதியிலிருந்து 2 கிலோ பாறை துகள்ளை எடுக்க சீனா திட்டமிட்டுள்ளது.

சீனாவின் இந்த திட்டம் வெற்றிகரமாக அமைந்தால் அமெரிக்கா ரஷியாவிற்கு பிறகு நிலவில் உள்ள பாறைகளை ஆராய்ச்சி செய்யும் 3-வது நாடு என்ற பெருமையை சீனா பெறும். மேலும் நிலவு குறித்த ஆராய்ச்சியில் அமெரிக்கா, ரஷ்யாவிற்கு பின் சீனா அடுத்த இடத்தை பிடித்து பெருமை சேர்க்கும் என எதிர்பார்க்கப்படுகிறது.