முதல்வர் மு.க.ஸ்டாலின் நாளை டெல்லி செல்கிறார்

சென்னை: ஜி20 மாநாட்டையொட்டி குடியரசு தலைவர் அளிக்கும் இரவு விருந்தில் பங்கேற்பதற்காக முதலமைச்சர் மு.க.ஸ்டாலின் நாளை டெல்லி பயணம் ...சர்வதேச அளவிலான ஜி20 அமைப்புக்கு இந்தியா இந்த முறை தலைமை ஏற்று உள்ளது. எனவே அதன்படி ஜி20 குழுவின் 18 வது மாநாடு நாளை முதல் 10ஆம் தேதி வரை டெல்லியில் நடைபெறவுள்ளது.

இதனை அடுத்து இந்த மாநாட்டில் இந்தியா, அமெரிக்கா ,சீனா, ரஷ்யா, ஜப்பான், பிரான்ஸ், ஸ்பெயின் உள்ளிட்ட நாடுகள் இடம்பெறுகின்றன. அமெரிக்க அதிபர் ஜோபைடன், ஆஸ்திரேலியா பிரதமர் , பிரிட்டன் பிரதமர், ஜப்பான் பிரதமர் உள்ளிட்டோர் மாநாட்டில் பங்கேற்கின்றனர். ஜி20 மாநாட்டை முன்னிட்டு சர்வதேச தலைவர்கள் உள்ளிட்டோருக்கு குடியரசு தலைவர் திரௌபதி முர்மு நாளை விருந்து அளிக்கிறார்.

மேலும் ஜி20 மாநாட்டில் பங்கேற்பதற்காக உலக நாடுகளின் தலைவர்கள் பலரும் இந்தியாவிற்கு வருகை தர உள்ளனர். குடியரசு தலைவர் அளிக்கும் விருந்தில் தமிழக முதலமைச்சர் மு.க.ஸ்டாலின், மேற்கு வங்க முதலமைச்சர் மமதா பானர்ஜி உள்ளிட்டோர் கலந்துகொள்கின்றனர்.

இந்த நிலையில், ஜி20 மாநாட்டையொட்டி குடியரசு தலைவர் அளிக்கும் இரவு விருந்தில் பங்கேற்பதற்காக முதலமைச்சர் மு.க.ஸ்டாலின் நாளை டெல்லி செல்ல உள்ளார். சென்னையிலிருந்து விமான மூலம் நாளை காலை 10 மணிக்கு முதலமைச்சர் மு.க.ஸ்டாலின் டெல்லிக்கு புறப்பட்டு செல்கிறார். டெல்லியில் நடைபெறும் இரவு விருந்தில் கலந்துகொள்ளும் முதலமைச்சர் மு.க.ஸ்டாலின் நாளை மறுதினம் விமானம் மூலம் சென்னை திரும்புகிறார்.