டிரம்ப் குறித்து வெளியாகும் போலி புகைப்படங்களால் சர்ச்சை

வாஷிங்டன்: போலி புகைப்படங்களால் சர்ச்சை... அமெரிக்க முன்னாள் அதிபர் டிரம்ப் கைது செய்யப்பட்டதாக வெளியான போலி புகைப்படங்கள் சர்ச்சையை ஏற்படுத்தியுள்ளது.

அமெரிக்க மாடல் அழகி ஸ்டோர்மி டேனியல்ஸுடன் தனது பாலியல் உறவை மறைக்க 1,30,000 டாலர்களை ட்ரம்ப் செலுத்தியதாகக் குற்றச்சாட்டின் பேரில் டிரம்ப் விரைவில் கைது செய்யப்படுவார் என்று செய்திகள் வெளியாகின. தன் மீதான குற்றச்சாட்டுகளை டிரம்ப் தொடர்ந்து மறுத்து வந்தார். எனினும் ட்ரம்ப் உறுதியாக கைதாவார் என்று தகவல்கள் தெரிவிக்கின்றன.

இதற்காக அமெரிக்காவின் முக்கிய நகரங்களில் போலீசார் தயார் நிலையில் வைக்கப்பட்டுள்ளதாக கூறப்படுகிறது. நியூயார்க், வாஷிங்டன், லாஸ் ஏஞ்சல்ஸ் உள்ளிட்ட முக்கிய நகரங்களில் பாதுகாப்பு பல மடங்கு அதிகரிக்கப்பட்டுள்ளது.

இதற்கிடையில், டிரம்ப் காவல்துறையால் கைது செய்யப்பட்டால் நிகழ்வுகள் எப்படி இருக்கும் என்பதை விளக்கும் வகையில் செயற்கை நுண்ணறிவு படங்கள் இணையத்தில் வெளியாகி வைரலாகி வருகின்றன. இந்த படங்கள் போலியானவை என்றாலும் தத்ரூபமாக உருவாக்கப்பட்டதால் பல நெட்டிசன்கள் குழப்பத்தில் உள்ளனர்

முன்னதாக, அமெரிக்காவில் அதிபர் தேர்தல் நவம்பர் 3, 2020 அன்று நடைபெற்றது. இதில் டிரம்ப் தோல்வியடைந்தார். ஜனநாயகக் கட்சியின் ஜோ பைடன் வெற்றி பெற்றார். ஆனால், தேர்தலில் முறைகேடு நடந்ததாக டிரம்ப் குற்றம் சாட்டினார். பல மாகாணங்களில் வழக்கும் போட்டார்.

அவர்கள் அனைவரும் பணி நீக்கம் செய்யப்பட்டனர். இந்நிலையில், அமெரிக்காவின் பல பகுதிகளில் டிரம்ப் ஆதரவாளர்கள் போராட்டம் நடத்தினர். போராட்டம் கலவரமாக வெடித்தது. இது அமெரிக்க வரலாற்றில் ஒரு பெரிய கரும்புள்ளியாக மாறியது என்பது நினைவுகூரத்தக்கது.