உலகம் முழுவதும் கடந்த 24 மணிநேரத்தில் 3.42 லட்சம் பேர் கொரோனாவால் பாதிப்பு
By: Nagaraj Thu, 08 Oct 2020 2:28:03 PM
உலகம் முழுவதும் கடந்த 24 மணி நேரத்தில் 3.42 லட்சம் பேருக்கு புதிதாக கொரோனா தொற்று ஏற்பட்டுள்ளது என்று தெரிவிக்கப்பட்டுள்ளது.
கொரோனா தொற்றின் உச்சகட்டமாக கடந்த 24 மணி நேரத்தில் உலகம் முழுவதும் 3 லட்சத்து 42 ஆயிரம் பேருக்கு தொற்று உறுதி செய்யப்பட்டதால், இதுவரை பாதிக்கப்பட்டோர் எண்ணிக்கை 3 கோடியே 63 லட்சத்து 80 ஆயிரத்தைக் கடந்துள்ளது.
நேற்று ஒரே நாளில் 5 ஆயிரத்து 879 பேர் உயிரிழந்துள்ளதால் இதுவரை தொற்றால்
இறந்தோர் எண்ணிக்கை கிட்டத்தட்ட 10 லட்சத்து 60 ஆயிரத்தை நெருங்குகிறது.
உலகம் முழுவதும் கொரேனாவால் பாதிக்கப்பட்ட 2 கோடியே 73 லட்சத்து 95 ஆயிரம்
பேர் குணமடைந்து வீடு திரும்பியுள்ள நிலையில், 79 லட்சத்து 25 ஆயிரம் பேர்
தொடர்ந்து சிகிச்சையில் உள்ளனர்.
இவர்களில் 67 ஆயிரத்து 380 பேர் கவலைக்கிடமான நிலையில் உள்ளதாக தரவுகள் தெரிவிக்கின்றன.