கனடாவில் ஒரே நாளில் 4024 பேருக்கு கொரோனா பாதிப்பு
By: Nagaraj Thu, 12 Nov 2020 9:20:41 PM
4 ஆயிரத்து 24 பேர் பாதிப்பு... கனடாவில் கொரோனா வைரஸ் (கொவிட்-19) பெருந் தொற்றினால், கடந்த 24 மணி நேரத்தில் மட்டும், நான்காயிரத்து 24 பேர் பாதிக்கப்பட்டதோடு, 53 பேர் உயிரிழந்து உள்ளனர் என்று சுகாதாரத் துறை தெரிவித்துள்ளது.
கொரோனா வைரஸ் தொற்றால் பாதிக்கப்பட்ட 31வது நாடாக விளங்கும் கனடாவில், இரண்டு இலட்சத்து 77ஆயிரத்து 061பேர் வைரஸ் தொற்றினால் பாதிக்கப்பட்டுள்ளனர். மொத்தமாக பத்து ஆயிரத்து 685பேர் உயிரிழந்துள்ளனர்.
மேலும், 43 ஆயிரத்து 177 பேர் மருத்துவமனைகளில் சிகிச்சை பெற்று
வருகின்றனர். இதில் 238பேரின் நிலை மிகவும் கவலைக்கிடமாக இருப்பதாக
மருத்துவமனை வட்டாரங்கள் தெரிவிக்கின்றன.
அத்துடன் இரண்டு இலட்சத்து 23ஆயிரத்து 199பேர் வைரஸ் தொற்றிலிருந்து மீண்டு வீடு திரும்பியுள்ளனர்.