உலகளவில் கொரோனா நிலவரம்
By: vaithegi Tue, 11 Oct 2022 06:52:04 AM
வாஷிங்டன்: சீனாவின் வுகான் நகரில் 2019 ஆம் ஆண்டு கொரோனா வைரஸ் முதன் முதலில் கண்டுபிடிக்கப்பட்டது. அதை அடுத்து தற்போது கொரோனா வைரஸ் 228 நாடுகள், பிரதேசங்களுக்கு பரவி மிக பெரும் பாதிப்பை ஏற்படுத்தி கொண்டு வருகிறது.
எனவே கொரோனாவை கட்டுப்படுத்த தடுப்பூசி செலுத்தும் பணிகள் மிக தீவிரமாக நடைபெற்று வரும் நிலையிலும் பல்வேறு வகையில் உருமாற்றமடைந்து வைரஸ் தொடர்ந்து பரவி கொண்டு வருகிறது.
இதனை அடுத்து இந்த நிலையில், உலகம் முழுவதும் கொரோனா வைரஸ் பாதிக்கப்பட்டவர்களின் எண்ணிக்கை 62 கோடியே 68 லட்சத்து 23 ஆயிரத்து 325 ஆக உயர்ந்துள்ளது. வைரஸ் பாதிக்கப்பட்டவர்களில் 1 கோடியே 36 லட்சத்து 5 ஆயிரத்து 709 பேர் சிகிச்சை பெற்று கொண்டு வருகின்றனர்.
மேலும் கொரோனா பாதிப்பில் இருந்து இதுவரை மட்டும் 60 கோடியே 66 லட்சத்து 55 ஆயிரத்து 830 பேர் குணமடைந்துள்ளனர். எனினும், கொரோனா வைரசால் உலகம் முழுவதும் இதுவரை மட்டும் 65 லட்சத்து 61 ஆயிரத்து 786 பேர் உயிரிழந்துள்ளனர்.