ஊழியரை பணிநீக்கம் செய்த நிறுவனத்திற்கு கோர்ட் அளித்த தீர்ப்பு

ஆம்ஸ்டர்டம் : சேது என்பது அமெரிக்காவின் புளோரிடாவை தலைமையிடமாகக் கொண்ட ஒரு டெலிமார்கெட்டிங் நிறுவனம். இந்நிறுவனத்தின் கிளை அலுவலகம் நெதர்லாந்தில் இயங்கி வருகிறது. இந்த அலுவலகத்தில் நெதர்லாந்தை சேர்ந்த ஒருவர் சில ஆண்டுகளுக்கு முன்பு பணியாளராக சேர்ந்தார்.

அவர் நிறுவனத்தில் சேர்ந்த சுமார் ஒரு வருடம் கழித்து, ஆன்லைன் பயன்முறையில் ஒரு மெய்நிகர் பயிற்சி காலத்தில் கலந்து கொள்ளுமாறு பணியாளருக்கு நிறுவனம் உத்தரவிட்டது. இந்தப் பயிற்சிக் காலத்தில் பணியாளரைக் கண்காணிக்கவும், திறன் மேம்பாட்டின் அளவை அளவிடவும் ஒரு நாளைக்கு 8 மணிநேரம் ஊழியரை நேரடிக் கண்காணிப்பில் வைக்க சேது நிறுவனம் முடிவு செய்துள்ளது.

அதன்படி, ஊழியர்கள் ஒரு நாளில் 8 மணி நேரம் வேலை செய்யும் போது வெப் கேமராவை ஆன் செய்ய வேண்டும் என்றும், அவர்கள் பணிபுரியும் டிஜிட்டல் திரையையும் பகிர்ந்து கொள்ள வேண்டும் என்றும் நிறுவனம் அறிவுறுத்தியுள்ளது.

கம்ப்யூட்டர் ஸ்க்ரீனை ஷேர் செய்தாலும் பரவாயில்லை, வெப் கேமை ஆன் செய்ய வேண்டும் என்ற கம்பெனி விதியை பின்பற்ற முடியாது என்று டச்சு ஊழியர் கூறினார். இதனால், நெதர்லாந்தை சேர்ந்த ஊழியரை அந்நிறுவனம் பணி நீக்கம் செய்துள்ளது.

இந்த வழக்கில், ஊழியர் நியாயமற்ற பணிநீக்கத்திற்காக டச்சு நீதிமன்றத்தில் வழக்கு தொடர்ந்தார். இந்த வழக்கில் தீர்ப்பளித்த நீதிமன்றம், பணியிடத்தில் ஒரு ஊழியரின் வீடியோ கண்காணிப்பு அவரது தனிப்பட்ட வாழ்க்கையில் தலையிடுவதாகும்.

மேலும் வீட்டிலிருந்து பணிபுரியும் ஊழியர்களை தங்கள் வெப் கேமராக்களை ஆன் செய்யச் சொல்வது மனித உரிமை மீறல் என்று நீதிமன்றம் கூறியுள்ளது. இது தவிர பாதிக்கப்பட்ட நெதர்லாந்து ஊழியருக்கு சேது நிறுவனம் சுமார் 72 ஆயிரத்து 700 அமெரிக்க டாலர் இந்திய மதிப்பில் சுமார் 59 லட்சம் வழங்க வேண்டும் என்றும் நீதிமன்றம் அதிரடி உத்தரவு பிறப்பித்துள்ளது.