6 ஆயிரத்து 650 ஊழியர்களை பணிநீக்கம் செய்ய உள்ளதாக டெல் அறிவிப்பு
By: Nagaraj Tue, 07 Feb 2023 9:23:08 PM
வாஷிங்டன்: ஊழியர்களை பணிநீக்கம் செய்ய திட்டம்... உலக சந்தையில் கணினிகளுக்கான தேவை குறைந்துள்ளதால் 6,650 ஊழியர்களை பணிநீக்கம் செய்ய திட்டமிட்டுள்ளதாக டெல் அறிவித்துள்ளது.
உலகளாவிய பொருளாதார மந்தநிலை காரணமாக ட்விட்டர், மெட்டா உள்ளிட்ட நிறுவனங்கள் தொழிலாளர்களை பணிநீக்கம் செய்து வருகின்றன.
டெல் நிறுவனத்தின் கணினிகள் மற்றும் தொழில்நுட்ப சாதனங்களின் விற்பனை தொடர்ந்து சரிந்து வரும் சூழலில், பணி நீக்க நடவடிக்கை எடுக்கப்பட்டுள்ளது.
அறிக்கைகளின்படி, கணினி நிறுவனமான டெல் சுமார் 6,650 ஊழியர்களை பணிநீக்கம் செய்யப் போகிறது. இது உலகளவில் அதன் பணியாளர்களில் 5% ஆகும். இதேபோன்ற பணிநீக்கம் 2020 இல் கொரோனா வைரஸ் தொற்றுநோய்களின் போது அறிவிக்கப்பட்டது.
2022 ஆம் ஆண்டின் நான்காவது காலாண்டில் பெர்சனல் கம்ப்யூட்டர்களின் ஏற்றுமதி கடுமையாக சரிந்தது .எனவே இந்த நடவடிக்கை எடுக்கப்பட்டுள்ளது