துண்டு துண்டாக வெட்டப்பட்ட மனித உடல்கள் மெக்சிகோவில் கண்டெடுப்பு
By: Nagaraj Sat, 20 June 2020 11:23:28 AM
துண்டு துண்டாக வெட்டப்பட்ட மனித உடல்கள்... மெக்சிகோ நாட்டில் உள்ள குவாடலஜாரா பகுதியில் துண்டுத் துண்டாக வெட்டப்பட்ட மனித உடல்கள் கண்டெடுக்கப்பட்டு வருவது அங்கு பரபரப்பை ஏற்படுத்தியுள்ளது.
குவாடலஜாராவுக்கு வெளியே உள்ள 4 பிராந்தியங்களில் கடந்த 10 நாட்களில் மட்டும் துண்டுத்துண்டாக வெட்டப்பட்ட மனித உடல்கள் 26 க்கும் அதிகமான பைகளில் இருந்தது கண்டுபிடிக்கப்பட்டுள்ளது.
3 ஆண்களின் சடலங்கள் ஒரு தகர சுரங்கத்திற்கு வெளியேயும், 9 ஆண்கள் மற்றும்
ஒரு பெண்ணின் எலும்புகள் ஒரு சிறிய பண்ணையில் கண்டுபிடிக்கப்பட்டுள்ளன.
இதுவரை
2 பேரின் உடல்கள் மட்டுமே அடையாளம் காணப்பட்டுள்ளதாகவும், அனைத்து
உடல்களையும் அடையாளம் காண நாட்கள் ஆகும் என அதிகாரிகள் தெரிவித்துள்ளனர்.
போதைப்பொருள் கடத்தல் கும்பல்களால் கொலை நடந்திருக்கலாம் என தகவல்
வெளியாகியுள்ளது.