இன்றும் குளிக்கக்கூடாது... குத்தாலம் மெயின் அருவியில்தான்!

தென்காசி: குளிக்க தடை விதிப்பு.. தென்காசி மாவட்டம், குற்றாலத்தில் கடந்த சில நாட்களாக பெய்து வரும் மழையால் அருவிகளில் வெள்ளப்பெருக்கு ஏற்பட்டுள்ளது. இதனால் குத்தாலம் மெயின் அருவியில் குளிக்க தடை விதிக்கப்பட்டுள்ளது.

மேற்கு தொடர்ச்சி மலைப் பகுதிகளில் பெய்த கன மழை காரணமாக நீண்ட நாள்களுக்குப் பிறகு குற்றாலத்தில் மெயின் அருவி, பழைய குற்றால அருவி, ஐந்தருவி, செண்பகாதேவி அருவி என அனைத்து அருவிகளிலும் வெள்ளப் பெருக்கு ஏற்பட்டுள்ளது.

கடந்த 2 நாட்களுக்கு முன்பு அனைத்து அருவிகளிலும் வெள்ளப்பெருக்கு ஏற்பட்டதால் சுற்றுலா பயணிகள் மற்றும் ஐயப்ப பக்தர்கள் குளிக்க தடை விதிக்கப்பட்டது.

வெள்ளம் குறைந்ததால் பழைய குற்றாலம் மற்றும் ஐந்தருவியில் நேற்று சுற்றுலா பயணிகள் குளிக்க அனுமதிக்கப்பட்டனர். பிரதான ஓடையில் வெள்ளம் சற்று குறைந்தாலும் மேற்கு தொடர்ச்சி மலையில் மழை பெய்து வருவதால் மேலும் வெள்ளப்பெருக்கு ஏற்பட வாய்ப்புள்ளது.

இதனால் இன்று 4வது நாளாக முக்கிய அருவியில் குளிக்க தடை விதிக்கப்பட்டுள்ளது. சபரிமலையில் நடை அடைக்கப்பட்டதால், ஐயப்ப பக்தர்கள் யாரும் கோவிலுக்கு வரவில்லை. குறைவான சுற்றுலா பயணிகளே காணப்பட்டனர்.