நியூயார்க்கில் அடையாளம் தெரியாத முதியவர் சடலம் மீட்பு

நியூயார்க்: பிராட்வே மற்றும் 40ஆவது தெருவின் தென்கிழக்கு மூலையில் உள்ள 1430 பிராட்வேயில் உள்ள ஒரு மருந்தகத்திற்கு வெளியே 70 வயதுடைய ஒருவரின் உடல் கண்டுபிடிக்கப்பட்டது. ஆனால் அவர் யார் என்பது குறித்து போலீசார் எவ்வித தகவலும் தெரிவிக்கவில்லை.

போலீசார் சம்பவத்தின் பின்னணியில் உள்ள சூழ்நிலைகளை ஆராய்ந்து வருகின்றனர். இறந்தவருக்கு இறப்பதற்கு முன் இருமல் இருந்தது என்று தகவல்கள் வெளியாகி உள்ளது.

போலீசார் தகவல் அறிந்து சம்பவ இடத்திற்கு சென்றனர். டுவான் ரீட் மருந்தகத்தின் முன் பகுதியில் போலீசார் சுற்றி வளைத்து அடையாளம் தெரியாத சடலத்தின் மீது ஒரு போர்வையை போர்த்தினர்.

ஒரு பை மற்றும் ஒரு பேஸ்பால் பாணி தொப்பி அருகில் இருப்பதைக் காண முடிந்தது. மேலும் நியூயார்க் போலீசாரிடம் இருந்து வேறு எந்த விவரமும் இல்லை.