சென்னை கடற்கரை- வேளச்சேரி இடையே பறக்கும் மின்சார பாதையில் பராமரிப்பு பணி..மின்சார ரெயில் சேவை ரத்து

சென்னை: மின்சார ரெயில் பயணிகளின் பாதுகாப்பை கருதி பராமரிப்பு பணிகள் மேற்கொள்ளப்படுகின்றன. பொறியியல் பணிகள், சிக்னல், வழித்தடம் சரி பார்த்தல் ஆகியவை தொடர்ந்து நடைபெற்று கொண்டு வருகின்றன.

அந்தவகையில் சென்னை கடற்கரை- வேளச்சேரி இடையே பறக்கும் மின்சார பாதையில் பராமரிப்பு பணிகள் இன்று நடக்கின்றன. இரவு 11 மணி முதல் அதிகாலை 4 மணி வரை பணிகள் மேற்கொள்ளப்படுவதால் ஒரு பகுதியாகவும் முழுமையாகவும் மின்சார ரெயில் சேவை ரத்து செய்யப்பட்டுள்ளது.

மேலும் இன்று இரவு 8.25 மணிக்கு பட்டாபிராம் மிலிட்டரி சைடில் இருந்து வேளச்சேரி புறப்படும் மின்சார ரெயில் கடற்கரை- வேளச்சேரி இடையே மட்டும் ரத்து செய்யப்பட்டு உள்ளது. கும்மிடிப்பூண்டியில் இருந்து வேளச்சேரிக்கு இரவு 8.35 மணிக்கு புறப்படும் மின்சார ரெயில் கடற்கரை- வேளச்சேரி இடையே ரத்து செய்யப்பட்டுள்ளது.

இதை அடுத்து இரவு 10.50 மணி, இரவு 11.1 மணிக்கு புறப்படும் வேளச்சேரி-கடற்கரை இடையேயான மின்சார ரெயில் சேவை முழுமையாக ரத்து செய்யப்பட்டுள்ளதாக தெற்கு ரெயில்வே சென்னை டிவிசன் அவர்கள் தகவல் தெரிவித்துள்ளார்.