12ம் வகுப்பு துணை தேர்வுக்கு விண்ணப்பிக்கும் கால அவகாசம் நீட்டிப்பு

சென்னை: துணை தேர்வுக்கு விண்ணப்பிக்கும் கால அவகாசம் மே 23ஆம் தேதி வரை நீட்டிப்பு .... தமிழ்நாட்டில் 12-ம் வகுப்பு பொதுத் தேர்வு கடந்த மார்ச் மாதம் நடைபெற்ற நிலையில் மே 8ம் தேதி இதற்கான முடிவுகள் வெளியாகின. மார்ச் 13-ம் தேதி முதல் ஏப்ரல் 3-ம் தேதி வரை நடைபெற்ற பொது தேர்விற்காக தமிழ்நாட்டில் 8 லட்சத்து 75 ஆயிரத்து 50 மாணவ-மாணவிகளும்,

இதனை அடுத்து புதுச்சேரியில் 14 ஆயிரத்து 728 பேரும் விண்ணப்பித்து இருந்த நிலையில் தமிழ்நாட்டில் 8 லட்சத்து 3 ஆயிரத்து 385 பேர் தேர்வு எழுதினர். இதில் 7,55,450 பேர் தேர்ச்சி பெற, 47,934 மாணவ, மாணவியர்கள் தோல்வியடைந்தனர்.

இதையடுத்து தேர்வில் தோல்வியடைந்த மாணவர்களுக்கான துணைத் தேர்வு அறிவிக்கப்பட்டது. பொது தேர்வு எழுதாத மாணவர்களும் இதில் விண்ணப்பிக்கலாம் என தெரிவிக்கப்பட்ட நிலையில் வருகிற ஜூன் 19-ம் தேதி முதல் ஜூன் 24-ம் தேதி துணை தேர்வு நடத்தப்படும் என கூறி அட்டவணையும் வெளியிடப்பட்டுள்ளது .

துணைத்தேர்வு எழுதும் மாணவர்கள் மே 9ஆம் தேதி முதல் 20 ஆம் தேதி வரை விண்ணப்பிக்கலாம் என தெரிவிக்கப்பட்டது.இந்த நிலையில் மாணவர்கள் நல்ன்கருதி துணை தேர்வுக்கு விண்ணப்பிக்கும் கால அவகாசம் மே 23ஆம் தேதி வரை நீட்டிக்கப்பட்டு உள்ளது.