ஆக்ஸ்போர்டு தடுப்பூசியின் இறுதி கட்ட மனித சோதனைகளுக்கு நாடு முழுவதும் ஐந்து தளங்கள் தயார்

உயிரி தொழில்நுட்பத் துறை (டிபிடி) செயலாளர் ரேணு ஸ்வரூப், ஆக்ஸ்போர்டு-அஸ்ட்ராஜெனெகா கொரோனா தடுப்பூசியின் மூன்றாம் மற்றும் இறுதி கட்ட மனித சோதனைகளுக்கு நாடு முழுவதும் ஐந்து தளங்கள் தயாராக உள்ளதாக தெரிவித்துள்ளார்.

உலகின் மிகப்பெரிய தடுப்பூசி தயாரிப்பாளரான சீரம் இன்ஸ்டிடியூட் ஆப் இந்தியா, தடுப்பூசி தயாரானவுடன் அதை தயாரிக்க ஆக்ஸ்போர்டு மற்றும் அதன் கூட்டாளர் அஸ்ட்ராஜெனெகா ஆகியோரை தேர்வு செய்துள்ளது. இந்த தடுப்பூசியின் மனித மருத்துவ பரிசோதனைகளின் 2 மற்றும் 3 கட்டங்களை நடத்த புனேவை தளமாகக் கொண்ட எஸ்.ஐ.ஐ இந்திய மருந்துகள் கட்டுப்பாட்டு ஜெனரலின் அனுமதி கோரியுள்ளது.

இதுகுறித்து உயிரி தொழில்நுட்பத் துறை செயலாளர் ரேணு ஸ்வரூப் கூறுகையில், இது ஒரு முக்கியமான கட்டமாகும், ஏனெனில் இந்தியர்களுக்கு தடுப்பூசி வழங்கப்படுவதற்கு முன்னர் நாட்டிற்குள் அதுகுறித்த தரவுகளை வைத்திருப்பது அவசியம். உயிரி தொழில்நுட்பத்துறை இப்போது 3 ஆம் கட்ட மருத்துவ தளங்களை அமைத்து வருகிறது என்று தெரிவித்துள்ளார்.

மேலும் அவர், இப்போது ஐந்து தளங்கள் 3 ஆம் கட்ட சோதனைகளுக்கு தயாராக உள்ளன. உயிரி தொழில்நுட்பத் துறை ஒவ்வொரு உற்பத்தியாளருடனும் நெருக்கமாக செயல்படுகிறது மற்றும் சீரம் நிறுவனத்தின் 3 ஆம் கட்ட சோதனை முக்கியமானது, ஏனெனில் தடுப்பூசி வெற்றிகரமாக இருக்க வேண்டும், அது இந்திய மக்களுக்கு வழங்கப்பட வேண்டும் என்றால் நாட்டிற்குள் தரவை வைத்திருக்க வேண்டும் என்று கூறினார்.