உக்ரைனுக்கு கூடுதலாக 300 கோடி டாலர் மதிப்பிலான ஆயுதங்கள் வழங்கும் ஜெர்மன்

ஜெர்மன்: உக்ரைனுக்கு ஆயுதங்கள்... ரஷ்யாவிற்கு எதிராக போரிட்டு வரும் உக்ரைனுக்கு கூடுதலாக 300 கோடி டாலர் மதிப்பிலான ஆயுதங்களை வழங்குவதாக ஜெர்மன் அறிவித்துள்ளது.

30 கவச பீரங்கிகள், தரை மற்றும் தண்ணீரிலும் சென்று தாக்குதல் நடத்தும் Marder வகை பீரங்கிகள், வான் பாதுகாப்பு அமைப்புகள் கொண்ட ஆயுத தொகுப்பு வழங்கப்படுவதாக ஜெர்மன் பாதுகாப்பு அமைச்சர் போரிஸ் பிஸ்டோரியஸ் தெரிவித்துள்ளார்.

போர் விரைவில் முடிவுக்கு வர வேண்டுமென விரும்பினாலும், துரதிர்ஷ்டவசமாக கண்ணுக்கு எட்டிய தூரம் வரையில் அது தென்படவில்லையெனவும் போரிஸ் தெரிவித்துள்ளார்.

உக்ரைன் அதிபர் ஜெலன்ஸ்கியின் ஜெர்மன் பயணத்தைத் தொடர்ந்து இந்த ஆயுத தொகுப்பு வழங்கப்பட்டுள்ளது. போர் முடியும் வரையில் ஆயுத உதவி தொடரும் என்றும் ஜெர்மன் தெரிவித்துள்ளது.