கடுமையாக போராட ரெடியாகுங்கள்... பிரதமர் மோடி வலியுறுத்தல்

புதுடெல்லி: பிரதமர் வலியுறுத்தல்... கடுமையாக போராட தயாராக வேண்டும் என்று பாஜகவை பிரதமர் மோடி வலியுறுத்தியுள்ளார்.

பாஜக நாடாளுமன்றக் குழுக் கூட்டம் நாடாளுமன்ற வளாகத்தில் இன்று நடைபெற்றது. நாடாளுமன்ற பட்ஜெட் கூட்டத்தொடரின் இரண்டாம் கட்ட கூட்டத்தொடர் தற்போது நடைபெற்று வரும் நிலையில், இந்த இரண்டாவது கட்டமாக நடைபெறும் முதல் பாஜக நாடாளுமன்ற கூட்டத்தொடர் இதுவாகும்.

இந்த கூட்டத்தில், பிரதமர் நரேந்திர மோடி, பாஜக தலைவர் ஜே.பி.நட்டா, மத்திய அமைச்சர்கள் அமித்ஷா, நிதின் கட்கரி, நிர்மலா சீதாராமன், ஜெய்சங்கர், பியூஷ் கோயல், கிரண் ரிஜிஜு, பாஜக எம்.பி.க்கள் உள்ளிட்டோர் கலந்துகொண்டனர்.


திரிபுரா, மேகாலயா, நாகாலாந்தில் சமீபத்தில் பாஜக கூட்டணி ஆட்சி அமைந்த பிறகு, அதற்கு முக்கிய காரணமாக இருந்த பிரதமர் நரேந்திர மோடி, ஜே.பி. நட்டா மாலை அணிவித்து மரியாதை செலுத்தினார்.

விழாவில் பேசிய பிரதமர் நரேந்திர மோடி, “கட்சி வேகமாக வளர்ந்து வருகிறது; வெற்றியை ருசிக்கிறது. இதனால், மறுபுறம் எதிர்ப்பும் அதிகரிக்கும். எனவே, கடும் போராட்டத்திற்கு தயாராக வேண்டும்,” என்றார்.

அதானி குழுமம் தொடர்பாக ஹிண்டன்பர்க் வெளியிட்டுள்ள அறிக்கையின் மீது நாடாளுமன்ற கூட்டுக் குழு அமைக்க வேண்டும் என வலியுறுத்தி எதிர்க்கட்சிகள் நாடாளுமன்றத்தில் தொடர்ந்து குரல் எழுப்பி வருகின்றன. இந்நிலையில் பிரதமர் மோடி இவ்வாறு பேசியுள்ளார்.

இதையடுத்து, பிரதமர் நரேந்திர மோடியின் பேச்சு குறித்து செய்தியாளர்களை சந்தித்த மத்திய அமைச்சர் அர்ஜுன் ராம் மக்வால், “மே 15 முதல் ஜூன் 15 வரை அனைத்து பாஜக நாடாளுமன்ற உறுப்பினர்களும் அவரவர் தொகுதிகளுக்குச் சென்று சில இடங்களில் பிரச்சாரம் செய்ய வேண்டும் என்று பிரதமர் கூறினார். பா.ஜ.க ஆட்சிக்கு பின், 9 ஆண்டுகள் நிறைவடையும் என, கேள்வி எழுப்பினார்.