முதல் சோலார் கிராமமாக குஜராத்தின் மெஹ்சானா அறிவிப்பு

குஜராத்: முதல் சோலார் கிராமம்... குஜராத்தின் மெஹ்சானா மாவட்டத்தில் உள்ள மொடேரா கிராமத்தை இந்தியாவின் முதல் சோலார் கிராமமாக பிரதமர் மோடி அறிவித்தார். 1026-27 வரை இப்பகுதியை ஆண்ட சாளுக்கிய வம்சத்தின் மன்னர் இரண்டாம் பீமாவால் கட்டப்பட்ட புகழ்பெற்ற சூரியக் கோயில் உள்ளது.

கிராமத்தில், 1000 க்கும் மேற்பட்ட வீடுகளில் இப்போது சூரிய சக்தியை மின்சாரமாக மாற்றும் சோலார் பேனல்கள் பொருத்தப்பட்டுள்ளன. இந்தியாவில் புதுப்பிக்கத்தக்க எரிசக்தி பயன்பாட்டை அதிகரிப்பதற்கான பிரதமரின் தொலைநோக்குப் பார்வையின் ஒரு பகுதியாக, குஜராத்தில் பல்வேறு நலத்திட்டங்களை செயல்படுத்துவதை குஜராத் அரசு உறுதி செய்துள்ளது.

அதன்படி, தொல்லியல் கிராமமான மோடேராவில் உள்ள சூரியன் கோவிலின் வரலாற்றை அறிந்து கொள்ளும் வகையில் 3டி தொழில்நுட்ப திரைகளை பிரதமர் மோடி அமைக்க உள்ளதாக மாநில அரசு அறிவித்துள்ளது.

இதன் மூலம் கோவில் வளாகத்தில் தீபங்கள் எரிவதை பக்தர்கள் கண்டுகளிக்க முடியும் என கூறப்படுகிறது. இது சுமார் 1,300 வீடுகளைக் கொண்டுள்ளது மற்றும் அனைத்து வீடுகளின் கூரைகளிலும் இலவசமாக சோலார் பேனல்கள் நிறுவப்பட்டுள்ளன. இந்த மெகா திட்டம் மத்திய, மாநில அரசுகளால் ரூ.80.66 கோடி செலவில் நிறைவேற்றப்பட்டுள்ளது.

பகலில் சோலார் பேனல்கள் மூலமாகவும், சூரிய அஸ்தமனத்திற்குப் பின் BESS மூலமாகவும் மின்சாரம் வழங்கப்படுகிறது, அதாவது பேட்டரியில் சேமிக்கப்பட்ட சூரிய ஆற்றல். இத்திட்டத்திற்கு 12 ஹெக்டேர் நிலம் தேவைப்பட்டது, மேலும் கிராம மக்களின் மின் கட்டணம் 60 முதல் 100 சதவீதம் வரை சேமிக்கப்படும் என அரசு தெரிவித்துள்ளது.

இந்த மதேரா கிராமத்தில் உலகப் புகழ்பெற்ற சூரியக் கடவுள் கோயில் உள்ளது. அதை அடையாளப்படுத்தும் வகையில் இந்த கிராமத்தில் மெகா சோலார் மின் திட்டத்தை அரசு செயல்படுத்தியுள்ளது.