அவர் சிக்கன்... மார்க் ஜூக்கர் பெர்க்கிற்கு பதிலடி கொடுத்த எலான் மஸ்க்

நியூயார்க்: மார்க் ஜூக்கர் பெர்க் ஒரு சிக்கன் எனக்கூறி பதிலடி கொடுத்துள்ளார் எலான் மஸ்க்.

‘மெட்டா’ நிறுவன தலைமைச் செயல் அதிகாரி மார்க் ஜூக்கர்பெர்க்கிற்கும், உலகின் நம்பர் ஒன் பணக்காரரும், ட்விட்டரின் உரிமையாளருமான எலான் மஸ்க்குக்கும் இடையே, கடந்த மாதம் முதல், சிறு விரிசல் ஏற்பட்டுள்ளது.

ஏனெனில் கடந்த ஜூலை 5ஆம் தேதி மார்க் ஜூக்கர்பெர்க் ட்விட்டருக்கு போட்டியாக ‘த்ரெட்ஸ்’ என்ற செயலியை அறிமுகப்படுத்தினார். தற்போது இருவரும் வெவ்வேறு கருத்துக்களை இணையதளத்தில் பதிவிட்டு வருகின்றனர்.

இதுகுறித்து மார்க் ஜூக்கர்பெர்க் தனது திரெட்ஸ் பக்கத்தில், “எலான் எதையும் தீவிரமாக எடுத்துக் கொள்பவர் இல்லை என்பதை நாம் அனைவரும் ஒப்புக் கொள்ள முடியும் மற்றும் அதிலிருந்து வெளியேற வேண்டிய நேரம் இது.

நான் அவருக்காக நேரம் ஒதுக்கினேன். டானா வைட் (அல்டிமேட் பைட்டிங் சாம்பியன்ஷிப்பின் தலைவர்), இதனை ஒரு தொண்டு நிறுவனத்தின் முறையான போட்டியாக மாற்ற முயற்சித்தார்.

ஆனால் எலான் தேதியை உறுதி செய்யவில்லை, பின்னர் அவருக்கு அறுவை சிகிச்சை தேவை என்று கூறுகிறார். பின்னர் என்னை கொல்லைப்புறத்தில் பயிற்சியை மேற்கொள்ள சொல்கிறார். சரியான தேதிப் பற்றி எலான் எப்போதாவது தீவிரமாக எடுத்துக் கொண்டால், என்னை எப்படி தொடர்பு கொள்ள வேண்டும் என்பது அவருக்குத் தெரியும்.

இல்லையெனில், கடந்து செல்ல வேண்டிய நேரம். நான் எதையும் தீவிரமாக எடுத்துக் கொள்ளும் நபர்களுடன் போட்டியிடுவதில் கவனம் செலுத்தப் போகிறேன்” என தெரிவித்து உள்ளார். இதனை செயின்ட் கிளேர் ஆஷ்லே என்பவர் டுவிட் செய்துள்ளார். அதற்கு பதிலளித்த எலான் மஸ்க், ‘மார்க் ஜூக்கர்பெர்க்’ ஒரு சிக்கன் எனக்கூறி பதிலடி கொடுத்துள்ளார்.