அதானி குழுமத்திற்கு பதிலடி கொடுத்துள்ள ஹிண்டன்பர்க் நிறுவனம்

புதுடெல்லி: இந்திய கொடியை போர்த்தி நாட்டையே கொள்ளையடிக்கும் அதானி குழுமத்தால் இந்தியாவின் வளர்ச்சி தடைபடுகிறது என்று அதானி குழுமம் கூறியதற்கு ஹிண்டன்பர்க் நிறுவனம் பதிலளித்துள்ளது.

அமெரிக்காவின் ஹிண்டன்பர்க் அறிக்கை முழுப் பொய் என்று அதானி குழுமம் மறுத்துள்ளது. ஹிண்டன்பர்க் அறிக்கை அதானி குழுமத்தின் பங்குகளில் கடுமையான வீழ்ச்சிக்கு வழிவகுத்தது. அதேபோல், உலகின் டாப் பில்லியனர்கள் பட்டியலில் அதானி பெரும் பின்னடைவைச் சந்தித்தது.

பதிலுக்கு ஞாயிற்றுக்கிழமை 413 பக்க அறிக்கையை வெளியிட்ட அதானி குழுமம், இது குறிப்பிட்ட அதானி நிறுவனம் மீதான தாக்குதல் அல்ல. மாறாக, இது இந்தியா, அதன் சுதந்திரம், ஒற்றுமை, ஜனநாயக நிறுவனங்களின் தரம், வளர்ச்சியின் பாதை மற்றும் இலக்குகள் மீதான திட்டமிட்ட தாக்குதலாகும். ஹிண்டன்பர்க் கூறிய குற்றச்சாட்டுகள் தவறானவை. அதானி குழுமம் தனது அறிக்கையில், இவை தவறான தகவல்களின் தொகுப்பு மற்றும் ஆதாரமற்ற, உள்நோக்கம் கொண்ட குற்றச்சாட்டுகள் என்று கூறியுள்ளது.

இந்நிலையில், இந்திய கொடியை போர்த்தி நாட்டையே கொள்ளையடிக்கும் அதானி குழுமத்தால் இந்தியாவின் வளர்ச்சி தடைபடுகிறது என்று அதானி குழுமம் கூறியதற்கு ஹிண்டன்பர்க் நிறுவனம் பதிலளித்துள்ளது.

இது குறித்து கருத்து தெரிவித்துள்ள ஹிண்டன்பர்க் நிறுவனம், அதானி குழுமம் தேசியவாதம் என்ற போர்வையில் தன்னை போர்த்திக்கொண்டு மோசடி குற்றச்சாட்டுகளில் இருந்து தப்பிக்க முயற்சிக்கிறது.

இந்தியா ஒரு துடிப்பான ஜனநாயகம் மற்றும் பிரகாசமான எதிர்காலத்துடன் வளர்ந்து வரும் வல்லரசாகும். அதே சமயம், இந்தியக் கொடியை போர்த்தி, திட்டமிட்டு கொள்ளையடிக்கும் அதானி குழுவால், இந்தியாவின் வளர்ச்சி தடைபடுகிறது. ஹிண்டன்பர்க் வெளியிட்ட அறிக்கையை இந்தியா மீதான தாக்குதல் என அதானி குழுமம் கூறியிருந்த குற்றச்சாட்டை நிராகரித்துள்ள ஹிண்டன்பர்க் நிறுவனம், மோசடியை தேசியவாதத்தால் மறைக்க முடியாது என பதிலடி கொடுத்துள்ளது.