தீபாவளிக்கு எத்தனை நாள் விடுமுறை ?

தொடர்ந்து பள்ளிகளுக்கு விடுமுறை விடப்பட்டு வரும் நிலையில் தீபாவளிக்கு குறைவான நாட்கள் நாள் விடுமுறை விடப்படும் என எதிர்பார்க்கப்படுகிறது ...தமிழகத்தில் பள்ளி மாணவர்களுக்கு இம்மாதத்தில் தொடர்ந்து விடுமுறை வருவதால் பாடத்திட்டங்களை முடிக்க முடியாமல் ஆசிரியர்கள் திணறி கொண்டு வருகின்றனர்.

அதாவது, 1 முதல் 5 ஆம் வகுப்பு வரையிலான பள்ளி மாணவர்களுக்கு காலாண்டு விடுமுறை முடிவடைந்து கடந்த அக்.9 ஆம் தேதியும், 6 முதல் 12 ஆம் வகுப்பு வரையிலான பள்ளி மாணவர்களுக்கு அக்.3 ஆம் தேதியும் பள்ளிகள் திறக்கப்பட்டது. இதை தொடர்ந்து, ஆயுதபூஜை மற்றும் விஜயதசமி பண்டிகையை முன்னிட்டு 4 நாட்கள் விடுமுறை வழங்கப்பட்டது.

இதனை தொடர்ந்து, இன்னும் ஒரு வாரத்தில் தீபாவளி பண்டிகையும் வரவிருப்பதால் பள்ளி மாணவர்களுக்கு பாடத்திட்டங்களை எவ்வாறு முடிப்பது என்பது தெரியாமல் ஆசிரியர்கள் பெரும் குழப்பத்தில் உள்ளனர்.

இந்த நிலையில், தீபாவளி பண்டிகை ஞாயிற்றுக்கிழமை கொண்டாடப்படும் நிலையில் அதிகபட்சமாக 2 நாள் தான் விடுமுறை இருக்கலாம் என்று ஒரு தரப்பில் கூறப்பட்டு வருகிறது. இதற்கு இடையே, தீபாவளி பண்டிகைக்கு எத்தனை நாட்கள் விடுமுறை என்கிற அறிவிப்பினை ஓரிரு நாட்களில் பள்ளிக்கல்வித்துறை வெளியிடும் என்று எதிர்பார்க்கப்படுகிறது.