நான் அமெரிக்க அதிபர் என்னுடன் ஒருபோதும் அப்படி பேச வேண்டாம் - டொனால்ட் டிரம்ப்

அமெரிக்காவில் சமீபத்தில் நடந்து முடிந்த அதிபர் தேர்தலில் ஜனநாயக கட்சி வேட்பாளர் ஜோ பைடன் வெற்றி பெற்றார். இருப்பினும் அவர் அமெரிக்கா முறைப்படி அடுத்தவருடம் ஜனவரி மாதம் அதிபராக பெறுப்பேற்பார். அதுவரை அதிபர் டிரம்ப் பதவியில் இருப்பார். அதிபர் தேர்தல் குறித்து தொடர்ந்து அதிபர் டிரம்ப் பல்வேறு குற்றச்சாட்டுகளை முன்வைத்து வருகிறார். இது பெரும் விமர்சனத்தை ஏற்படுத்தியுள்ளது.

இந்நிலையில் ராய்ட்டர்ஸ் வெள்ளை மாளிகையின் நிருபர் ஜெஃப் மேசன், அதிபராக தேர்ந்தெடுக்கப்பட்ட ஜோ பைடனுக்கு எதிரான தனது தோல்வியை ஒப்புக் கொள்ள விரும்புகிறீர்களா என்று டிரம்பை பலமுறை கேட்டார். இதனால் கோபம் அடைந்த டிரம்ப் "என்னிடம் எப்போதும் அப்படி பேச வேண்டாம்" என்று கோபமாக கூறினார்.

தனது நான்கு ஆண்டு ஜனாதிபதி காலத்தில் நடந்த பல சம்பவங்களைப் போலவே, இந்த முறையும், டிரம்ப் 'கடினமான' கேள்விகளைக் கேட்கும் ஒரு நிருபரை புறக்கணிக்க முடிவு செய்து, நான் அமெரிக்காவின் அதிபர். அதிபருடன் ஒருபோதும் அப்படி பேச வேண்டாம் என கோபமாக கூறினார்.

அதன்பின், தான் தேர்தலில் தோல்வியடையவில்லை என்பதை தொடர்ந்து விளக்கினார், மேலும் இது மோசமான தேர்தல்கள் மற்றும் வாக்காளர் மோசடி காரணமாக மட்டுமே பைடனின் வரலாற்று வெற்றிக்கு வழிவகுத்தது என்று தெரிவித்தார்.