அனைவரும் மாஸ்க் அணிய வேண்டும் என்ற உத்தரவிடமாட்டேன்; டிரம்ப் அதிரடி
By: Nagaraj Sun, 19 July 2020 10:49:14 AM
உத்தரவிட மாட்டேன்... கொரோனா பரவலை கட்டுப்படுத்த மாஸ்க் அணியுமாறு அமெரிக்கர்களுக்கு உத்தரவிட மாட்டேன் என, அதிபர் ட்ரம்ப் தெரிவித்துள்ளார்.
கொரோனா நோய்த்தொற்று தொடர்ந்து அதிகரித்து வரும் நிலையில், அமெரிக்காவின் உயர்மட்ட தொற்று நோய் நிபுணரான டாக்டர் அந்தோனி ஃபாசி, பொது இடங்களில் மக்கள் மாஸ்க் அணிவதை கட்டாயமாக்க வேண்டும் என மாகாண மற்றும் உள்ளூர் தலைவர்களிடம் வலியுறுத்தி உள்ளார்.
இதுதொடர்பாக பேசியுள்ள ட்ரம்ப், மக்களுக்கென குறிப்பிட்ட சுதந்திரம் இருக்க
வேண்டும். அனைவரும் மாஸ்க் அணிந்தால் கொரோனா மறைந்துவிடும் என்ற
கருத்துக்கு தான் உடன்படவில்லை. கட்டாயமாக மாஸ்க் அணிய வேண்டும் என்று
உத்தரவிட மாட்டேன். இவ்வாறு அவர் தெரிவித்துள்ளார்.
கொரோனா பரவ
தொடங்கிய காலத்தில் இருந்து ஒரே ஒருமுறை மட்டுமே ட்ரம்ப் மாஸ்க் அணிந்து
பொதுவெளியில் வந்தது குறிப்ப்பிடத்தக்கது. மற்ற அனைத்து பொது
நிகழ்ச்சிகளிலும் அவர். மாஸ்க் அணியாமலேயே பங்கேற்றார்.