TNPSC Group 1 கலந்தாய்வு தேதி குறித்து முக்கிய அறிவிப்பு

இந்தியா: துணை ஆட்சியர், காவல்துறை துணை கண்காணிப்பாளர், வணிக வரி உதவி ஆணையர் உள்ளிட்ட 66 காலிப்பணியிடங்களுக்கு குரூப் 1 முதல்நிலைத் தேர்வை தமிழ்நாடு அரசுப் பணியாளர் தேர்வாணையம், கடந்த ஆண்டு ஜனவரி மாதம் நடத்தியது.

கொரோனா பரவல் காரணமாக முதன்மைத் தேர்வு ஒத்திவைக்கப்பட்ட நிலையில், கடந்த மார்ச் 4ஆம் தேதி முதல் 6 ஆம் தேதி வரை, முதன்மைத் தேர்வு (எழுத்துத் தேர்வு) நடைபெற்றது. மேலும் தேர்வில் தேர்ச்சி பெற்றவர்களுக்கான நேர்காணல் ஜூலை மாதம் 13 முதல் 15 ஆம் தேதி வரை சென்னையில் நடத்தப்பட்டது.

இதை அடுத்து இதில் பெற்ற மதிப்பெண்கள் அடிப்படையில் இறுதி மதிப்பெண் மற்றும் தேர்ச்சி பெற்றவர்கள் பட்டியலை அதிகாரபூர்வ தளத்தில் தமிழ்நாடு அரசுப்பணியாளர் தேர்வாணையம் அண்மையில் வெளியிட்டது. மேலும் நேர்முகத்தேர்வில் கலந்து கொண்ட விண்ணப்பதாரர்கள் TNPSC-யின் அதிகாரப்பூர்வ இணையதளமான www.tnpsc.gov.in பக்கத்தில் தேர்வு முடிவுகளை சரிபார்க்கலாம் என தெரிவிக்கப்பட்டது.

இந்த நிலையில் TNPSC குரூப் 1 தேர்வில் தகுதியான தேர்வர்களுக்கு கலந்தாய்வு தேதி அறிவிக்கப்பட்டு உள்ளது. அதாவது வரும் 29ம் தேதி அன்று ஆணைய குழு அலுவலகத்தில் காலை 9 மணி அளவில் நடைபெறும் கலந்தாய்வில் தேர்வர்கள்கள் கலந்து கொள்ளுமாறு கேட்டுக்கொள்ளப்படுகிறார்கள் என தெரிவிக்கப்பட்டுள்ளது.