பிரித்தானியாவில் நடப்பு ஆண்டில் கடந்த மாதம் கார் பதிவுகள் எண்ணிக்கை அதிகரிப்பு

கார் பதிவுகள் எண்ணிக்கை... பிரித்தானியாவில் நடப்பு ஆண்டில், முதல் முறையாக ஜூலை மாதம் கார் பதிவுகளின் எண்ணிக்கை அதிகரித்துள்ளதாக தரவுகள் தெரிவிக்கின்றன.

மோட்டார் உற்பத்தியாளர்கள் மற்றும் வர்த்தகர்களுக்கான சங்கம் வெளியிட்டுள்ள புள்ளிவிபரங்களின் படி, 2019ஆம் ஆண்டின் இதே மாதத்துடன் ஒப்பிடும்போது 11 சதவீதம் உயரும் என எதிர்பார்க்கப்படுகிறது. இறுதியாக கடந்த ஆண்டு டிசம்பரில் அதிகரிப்பு ஏற்பட்டிருந்தது.

கொரோனா வைரஸ் தொற்றுநோயின் விளைவுகள் காரணமாக, இது நான்கு மாதம் வியத்தகு சரிவைப் எதிர்கொண்டிருந்தது.

ஏப்ரல் மாதத்தில் முடக்கநிலையின் உச்சத்தில், முகவர்கள் மூடப்பட்டு, தொழிற்சாலைகள் மூடப்பட்டதால், விற்பனை கிட்டத்தட்ட நிறுத்தப்பட்டது.

ஜூலை மாதத்தில் சுமார் 175,000 புதிய கார் பதிவுகளின் எண்ணிக்கை இருந்ததாக கூறப்படுகின்றது. இந்த அதிகரிப்பு இந்த ஆண்டின் தொடக்கத்தில் புதிய வாகனங்களை வாங்க திட்டமிட்டிருந்த நுகர்வோரிடமிருந்து அதிகரித்த கோரிக்கையை பிரதிபலிக்கிறது என்று தொழில்துறையில் உள்ளவர்கள் நம்புகிறார்கள்.

ஒக்டோபரில் அரசாங்கத்தின் வேலை தக்கவைப்பு திட்டம் முடிவடைந்து வருவதோடு, இப்போது பல நிறுவனங்கள் ஊழியர்களை பணிநீக்கம் செய்வதால், நுகர்வோர் நம்பிக்கையின் வீழ்ச்சி எதிர்கால விற்பனையை பாதிக்கக்கூடும் என்ற கவலைகள் உள்ளன.

இதற்கிடையில், ஒட்டுமொத்த ஆண்டிற்கான பதிவுகள் 2019இல் இருந்ததை விட 30 சதவீதம் குறைவாக இருக்கும் என்று எதிர்பார்க்கப்படுகிறது.