அமெரிக்காவை விட புவி வெப்பமடைதலுக்கு இந்தியா தான் காரணம் - டிரம்ப் குற்றச்சாட்டு

ஓஹியோ மாகாணம் கிளீவ்லேண்டில் நடைபெறும் அமெரிக்க ஜனாதிபதி தேர்தல் முதல் விவாதம் உள்ளூர் நேரப்படி செவ்வாய்கிழமை இரவு 9.30 மணிக்கு தொடங்கியது. 90 நிமிடங்கள் நடைபெற்ற இந்த விவாதத்தில் டிரம்பும் -ஜோ பிடனும் அனல் தெறிக்கும் விவாதத்தில் ஈடுபட்டனர். தேர்தலில் போட்டியிடும் ஜனநாயக கட்சி வேட்பாளர் ஜோ பிடனும் குடியரசுக் கட்சி வேட்பாளர் டிரம்பும் ஒருவரை ஒருவர் கடும் விமர்சனங்களை முன்வைத்து வருகின்றனர்.

உலகில் அதிக எண்ணிக்கையிலான கொரோனா வைரஸ் பாதிப்புகள் மற்றும் இறப்புகளை அமெரிக்கா பதிவுசெய்வது குறித்த கவலைகள் குறித்து டிரம்ப் விவாதத்தில் கூறுகையில், கொரோனா இறப்புகள் குறித்த துல்லியமான புள்ளிவிவரங்களை இந்தியா பகிர்ந்து கொள்ளவில்லை என்று கூறினார். "கொரோனா இறப்புகளை இந்தியா துல்லியமாக கொடுக்கவில்லை" என்று டிரம்ப் விவாத நடுவர் கிறிஸ் வாலஸிடம் பிடன் முன்னிலையில் கூறினார்.

விவாதம் காலநிலை மாற்றத்தை நோக்கி நகர்ந்தபோது பிடன், தான் ஜனாதிபதியானால், அமெரிக்கா பணத்தை விவேகமான முறையில் பயன்படுத்துவதில்லை. டிரம்ப் விலகிய பாரிஸ் காலநிலை மாற்ற ஒப்பந்தத்தில் மீண்டும் இணைவேன் என்று அமெரிக்க மக்களுக்கு உறுதியளித்தார். காலநிலை மாற்றத்திற்கு அமெரிக்காவின் பங்களிப்பின் உரிமையை எடுத்துக் கொண்டு, உலகின் புவி வெப்பமடைதலில் 15 சதவீதத்திற்கு அமெரிக்கா பொறுப்பு என கூறினார்.

ஆனால் டிரம்ப், ஒரு எதிர் விவாதத்தை முன்வைக்க, அமெரிக்காவை விட புவி வெப்பமடைதலுக்கு இந்தியா தான் காரணம் என்று குற்றம் சாட்டினார். சீனா மாசுகளை காற்றில் அனுப்புகிறது. அது ரஷியா செல்கிறது. இந்தியா செல்கிறது, என்று டிரம்ப் கூறினார். ஆனால் நெருங்கிய நட்பு நாடாக அவர் உறுதியாக நம்பிய இந்தியா குறித்து தளர்வான கருத்துக்களை வெளியிடுவதில் பிடன் தெளிவாக இருந்தார்.