பெரிய மெட்ரோ ரயில் உள்கட்டமைப்பாக இந்தியா மாறும்: ஹர்தீப் சிங் பூரி பெருமிதம்

புதுடெல்லி: இந்தியாவில் நகர்ப்புற அமைப்புகள் குறித்த வருடாந்திர கணக்கெடுப்பின் ஆறாவது பதிப்பான ஏ.எஸ்.ஐ.சி.எஸ்.-2023 அறிக்கையை அமைச்சர்புது டெல்லியில் வெளியிட்டார்.

மேலும் அவர் பேசுகையில், “இந்த அறிக்கை ஒரு நுட்பமான மற்றும் பாராட்டத்தக்க முயற்சி. இந்த அறிக்கையில் 82 நகராட்சி சட்டங்கள், 44 நகர்ப்புற திட்டமிடல் சட்டங்கள், 176 தொடர்புடைய சட்டங்கள், விதிகள் மற்றும் அறிவிப்புகள், 32 பிற கொள்கை மற்றும் திட்டமிடல் ஆவணங்கள், நகர்ப்புற வளர்ச்சி தொடர்பான 27 கூடுதல் தரவுத்தொகுப்புகள் உள்ளன.

இந்தியாவில். நகர்ப்புற நிர்வாகத்தில் பரவலாக்கம் மற்றும் அதிகாரப் பகிர்வு நிகழ்ச்சி நிரலை நோக்கிச் செயல்படுவதில் பிரதமர் நரேந்திர மோடியின் தொலைநோக்குப் பார்வையை அறிக்கை அங்கீகரித்துள்ளது.

நகர்ப்புற உள்ளாட்சி அமைப்புகளுக்கான நிதி வாரிய மானியம் 13-வது நிதி வாரியத்தில் இருந்து 15-வது நிதி வாரியமாக 6 மடங்கு உயர்த்தப்பட்டுள்ளது. 2014 முதல், அரசாங்கம் உலகில் எங்கும் மிக விரிவான மற்றும் திட்டமிடப்பட்ட நகரமயமாக்கல் திட்டத்தை மேற்கொண்டுள்ளது.

பிரதம மந்திரி நகர்ப்புற வீடுகள் திட்டத்தின் கீழ், 1.19 கோடி வீடுகளுக்கு ஒப்புதல் அளிக்கப்பட்டுள்ளது. 1.13 கோடிக்கும் மேற்பட்ட வீடுகள் கட்டும் பணிகள் தொடங்கப்பட்டு அதில் 77 லட்சம் வீடுகள் பயனாளிகளுக்கு வழங்கப்பட்டுள்ளன.

2014-ல் 17 சதவீதமாக இருந்த திடக்கழிவு பதப்படுத்துதல் தற்போது 76 சதவீதமாக உயர்ந்துள்ளது. வரும் ஆண்டுகளில் 100 சதவீதம் திடக்கழிவு சுத்திகரிப்பு செய்யப்படும். ஸ்மார்ட் சிட்டி திட்டத்தின் கீழ் ரூ.1.1 லட்சம் கோடி மதிப்பிலான 6,069 திட்டங்கள் நிறைவேற்றப்பட்டுள்ளன.

இந்தியா தற்போது உலகின் ஐந்தாவது பெரிய மெட்ரோ ரயில் உள்கட்டமைப்பைக் கொண்டுள்ளது. இந்தியா விரைவில் உலகின் இரண்டாவது பெரிய மெட்ரோ ரயில் உள்கட்டமைப்பாக மாறும்” என்று ஹர்தீப் சிங் பூரி கூறினார்.