அந்தமான் நிக்கோபார் தீவுகளுக்கு அருகே இந்திய போர்க்கப்பல்கள் பயிற்சி

அங்கு அமெரிக்கா... இங்கு இந்தியா... சீனாவுக்கு ஒரு நுட்பமான செய்தியை வழங்கும் விதமாக இந்திய கடற்படை, அந்தமான் & நிக்கோபார் தீவுகளுக்கு அருகே பல போர்க்கப்பல்கள் மற்றும் நீர்மூழ்கிக் கப்பல்களுடன் பயிற்சியை மேற்கொண்டது.

அமெரிக்காவின் சூப்பர் விமானம் தாங்கி போர்க்கப்பல்களான யுஎஸ்எஸ் நிமிட்ஸ் மற்றும் யுஎஸ்எஸ் ரொனால்ட் ரீகன் ஆகியவற்றுக்கு சீனாவின் கடும் ஆட்சேபனை இருந்தபோதிலும் தென் சீனக் கடலில் அரிய இரட்டை போர் பயிற்சிகளை அமெரிக்கா மேற்கொள்ளும் போது, இந்திய பெருங்கடலில் இந்தியா மேற்கொள்ளும் பயிற்சி முக்கியத்துவம் பெறுகிறது.

இந்த பயிற்சியை கிழக்கு கடற்படையின் ரியர் அட்மிரல் சஞ்சய் வத்சயன் வழிநடத்தியதுடன், மலாக்கா ஜலசந்திக்கு அருகே நிறுத்தப்பட்ட சில போர்க்கப்பல்களும் இதில் பங்கேற்றுள்ளதாக கூறப்படுகிறது.

மூலோபாய ரீதியில் அமைந்துள்ள தீவுகளில் தேவையான உள்கட்டமைப்பை உருவாக்குவதைத் தவிர கூடுதல் இராணுவப் படைகளை நிறுத்துவதற்கான திட்டங்களையும் இந்தியா திட்டமிட்டுள்ளது குறிப்பிடத்தக்கது.

அந்தமான் மற்றும் நிக்கோபார் கட்டளை என்பது இந்தியாவின் ஒரே தியேட்டர் கட்டளை ஆகும். அங்கு இராணுவம், கடற்படை, விமானப்படை மற்றும் கடலோர காவல்படையின் அனைத்து சொத்துக்களும் மனித ஆற்றலும் ஒரே செயல்பாட்டு தளபதியின் கீழ் வைக்கப்படுகின்றன.