பிரிக்ஸ் உச்சி மாநாட்டில் அதிபர் புதின் பங்கேற்க மாட்டார் என தகவல்

கேப்டவுன்: பிரிக்ஸ் நாடுகளின் உச்சி மாநாட்டில் புதின் பங்கேற்கமாட்டார் என அறிவிப்பு வெளியாகி உள்ளது.

பிரேசில், ரஷ்யா, இந்தியா, சீனா மற்றும் தென்னாப்பிரிக்கா ஆகிய 5 நாடுகள் பங்கேற்கும் 15வது பிரிக்ஸ் உச்சி மாநாட்டை தென் ஆப்பிரிக்காவில் நடத்த தென் ஆப்பிரிக்கா தயாராகி வருகிறது. இதனை அதிபர் சிரில் ரமபோசா உறுதி செய்துள்ளார். இதன்படி பிரிக்ஸ் நாடுகளின் 15வது உச்சி மாநாடு ஆகஸ்ட் மாதம் நடைபெற உள்ளது.

கொரோனா நெருக்கடி மற்றும் அடுத்தடுத்த சர்வதேச கட்டுப்பாடுகளுக்குப் பிறகு மாநிலத் தலைவர்கள் நேரடியாக பங்கேற்கும் முதல் உச்சிமாநாடு இதுவாகும். எவ்வாறாயினும், ரஷ்ய கூட்டமைப்பின் சார்பில் ரஷ்ய வெளியுறவு அமைச்சர் செர்ஜி லாவ்ரோவ் பங்கேற்பார் என்று ரஷ்ய ஜனாதிபதியின் செய்திக்குறிப்பில் தெரிவிக்கப்பட்டுள்ளது.

உக்ரைனுக்கு எதிரான ரஷ்யாவின் ஆக்கிரமிப்பு அதிகரித்து வரும் நிலையில், போரை நிறுத்துமாறு உலக நாடுகள் கோரிக்கை விடுத்துள்ளன. சர்வதேச அமைப்புகளும் கோரிக்கை விடுத்துள்ளன. ஆனால், இரு நாடுகளும் அதற்கு செவிசாய்க்கவில்லை. போர் தொடர்கிறது.

இந்த நிலையில், உக்ரைன் மீது போர் தொடுத்த புதினை கைது செய்யச் சர்வதேச குற்ற நீதிமன்றம் சார்பில் வாரண்ட் பிறப்பிக்கப்பட்ட நிலையில், அதில், தென் ஆப்பிரிக்காவும் ஓர் உறுப்பினராக உள்ளது.

அதனால், புதின் அந்நாட்டில் இருக்கும்போது, அவரை கைது செய்யும்படி கேட்டுக் கொள்ளப்பட்டு உள்ளது. இந்த நிலையில், பிரிக்ஸ் நாடுகளின் உச்சி மாநாட்டில் பங்கேற்கும்படி ரஷிய அதிபர் புதினுக்கு, சிரில் ராமபோசா அழைப்பு விடுத்து உள்ளார்.