அமெரிக்க அதிபரை வெள்ளை மாளிகையில் சந்தித்த ஜப்பான் பிரதமர்

அமெரிக்கா: ஜப்பான் பிரதமர் புமியோ கிஷிடா, அமெரிக்க அதிபர் ஜோ பிடனை வாஷிங்டனில் உள்ள வெள்ளை மாளிகையில் நேரில் சந்தித்தார்.

கிழக்கு ஆசிய நாடுகள் ஜப்பான், தென் கொரியா மற்றும் அமெரிக்காவுடன் நட்புறவைக் கொண்டுள்ளன. எனினும் மறுபுறம் அமெரிக்கா மற்றும் அதன் நட்பு நாடுகளான தென்கொரியா மற்றும் ஜப்பானை அச்சுறுத்தும் வகையில் வடகொரியா தொடர்ந்து ஏவுகணை சோதனைகளை நடத்தி வருகிறது.

இந்த பரபரப்பான சூழ்நிலைகளுக்கு மத்தியில், ஜப்பான் பிரதமர் புமியோ கிஷிடா, அமெரிக்க அதிபர் ஜோ பிடனை இன்று வாஷிங்டனில் உள்ள வெள்ளை மாளிகையில் நேரில் சந்தித்தார். இது தொடர்பாக அதிபர் ஜோ பிடன் வெளியிட்டுள்ள அறிக்கையில் கூறியிருப்பதாவது:

அமெரிக்காவின் செய்தி தெளிவாக உள்ளது. அமெரிக்க-ஜப்பான் கூட்டணியில் எங்கள் முதலீடு, தேசிய பாதுகாப்பு முதல் பொருளாதாரம் வரையிலான பிரச்சினைகளுக்கு மகத்தான நிதியை வழங்குகிறது. இது இன்னும் பல ஆண்டுகள் தொடரும். மேலும், ஜப்பான் பிரதமர் புமியோ கிஷிடா அமெரிக்காவின் தீவிர நண்பராக இருந்து வருகிறார்.

இந்தோ-பசிபிக் பகுதியில் இரு நாடுகளுக்கும் அமைதி, பாதுகாப்பு மற்றும் செழிப்பு ஆகியவற்றை மேம்படுத்துவதற்கு நாம் எவ்வாறு இணைந்து செயல்படுவது என்பது குறித்து அவருடன் அமர்ந்து விவாதிப்பதில் மகிழ்ச்சி அடைகிறேன். நாங்கள் எங்கள் இராணுவ கூட்டணிகளை நவீனமயமாக்குகிறோம். ஜப்பானின் பாதுகாப்பு செலவினங்களில் வரலாற்று அதிகரிப்பு மற்றும் புதிய தேசிய பாதுகாப்பு மூலோபாயத்தை உருவாக்குகிறோம்.

இதையடுத்து, பிராந்திய பாதுகாப்பில் அமெரிக்காவின் முயற்சிகளுக்கு ஜப்பான் பிரதமர் புமியோ கிஷிடா, அதிபர் ஜோ பிடனுக்கு நன்றி தெரிவித்தார். “ஜப்பானும் அமெரிக்காவும் தற்போது சமீபத்திய வரலாற்றில் மிகவும் சவாலான மற்றும் சிக்கலான பாதுகாப்பு சூழலை எதிர்கொள்கின்றன. டோக்கியோ தனது புதிய பாதுகாப்பு உத்தியை கடந்த மாதம் வெளியிட்டது” என்று ஜப்பானிய பிரதமர் புமியோ கிஷிடா கூறினார்.