பற்ற வைக்குது கூட்டு ராணுவப் பயிற்சி... குவியுது எல்லையில் போர் விமானங்கள்

சியோல்: கொரிய எல்லையில் அமெரிக்கா மற்றும் தென்கொரியா கடற்படைகள் கூட்டு ராணுவப் பயிற்சியில் ஈடுபட்டுள்ளதால், அதற்கு எதிர்ப்பு தெரிவித்து வடகொரியா தொடர்ந்து ஏவுகணை சோதனை நடத்தப்போவதாக மிரட்டல் விடுத்து வருகிறது.


வடகொரியா கடந்த 1ம் தேதி ஜப்பான் கடல் பகுதியில் 2 ஏவுகணைகளை சோதனை செய்தது.கிழக்குக் கடலில் இருந்து இன்று இரண்டு பாலிஸ்டிக் ஏவுகணைகளை சோதனை செய்ததாக தென் கொரிய அதிகாரிகள் தெரிவித்துள்ளனர். ஏவுகணை சோதனையை தொடர்ந்து வடகொரியா 12 போர் விமானங்களை அனுப்பியது பதற்றத்தை அதிகரித்துள்ளது.

பதிலுக்கு தென்கொரியா 30 போர் விமானங்களை எல்லைக்கு அனுப்பியது பதற்றத்தை அதிகரித்தது. தென் கொரிய ராணுவத்தின் தகவலின்படி, 8 போர் விமானங்கள் மற்றும் 4 வெடிகுண்டுகள் உட்பட 12 போர் விமானங்களை வடகொரியா பரஸ்பர எல்லைப் பகுதிக்கு அனுப்பியது. வட கொரிய விமானங்கள் விமானத்தில் இருந்து தரையில் தாக்குதல் பயிற்சிகளை நடத்தி வருவதாக நம்பப்படுகிறது.

எனவே, அதற்குப் பதிலடியாக எங்களின் 30 போர் விமானங்களை எல்லைப் பகுதிக்கு அனுப்பியுள்ளோம். வடகொரியாவின் ஆத்திரமூட்டல் மற்றும் அச்சுறுத்தல்களை எதிர்கொள்ளும் வகையில் தீர்க்கமான நடவடிக்கை எடுக்கும் முயற்சியாகவே இந்த போர் விமானங்கள் அனுப்பப்பட்டதாகவும் தென்கொரிய ராணுவம் கூறியுள்ளது.