தன் உயிருக்கு அச்சுறுத்தல் இருப்பதாக பெலாரஸ் போராட்ட தலைவர் கோல்ஸ்னிகோவா தகவல்

பெலாரசில் ஜனாதிபதி அலெக்சாண்டர் லுகாஷென்கோவின் மறுதேர்தலுக்கு எதிராக நடைபெற்ற ஒரு மாத கால போராட்டங்களில் மிக முக்கியமான தலைவர்களில் ஒருவரான மரியா கோல்ஸ்னிகோவா மிக முக்கியமானவர். பெலாரஸ் எதிர்க்கட்சி அரசியல்வாதி மரியா கோல்ஸ்னிகோவா கடந்த ஞாயிற்று கிழமை நடந்த போராட்டத்தின் போது கடத்தப்பட்டார்.

இந்நிலையி உக்ரேனுக்கு வலுக்கட்டாயமாக நாடுகடத்த முயன்றபோது பாதுகாப்பு அதிகாரிகள் எனது தலைக்கு மேல் ஒரு பையை வைத்து கொலை மிரட்டல் விடுத்ததாக அவரது வழக்கறிஞர் புகார் அளித்திருந்தார். நாடுகடத்தும் முயற்சி நடைபெற்றபோது அவர் தனது பாஸ்போர்ட்டைக் கிழித்து வெளியேற்றும் முயற்சியைத் தடுத்தார்.

இந்நிலையில் அவர் வெளியிட்டுள்ள அறிக்கையில், குறிப்பாக நான் தானாக முன்வந்து பெலாரஸ் குடியரசை விட்டு வெளியேறவில்லை என்றால், நான் எப்படியாவது உயிருடன் வெளியே அழைத்துச் செல்லப்படுவேன் என்று கூறப்பட்டது. என்னை 25 ஆண்டுகள் வரை சிறையில் அடைப்பதாக அச்சுறுத்தல்களும் இருந்தன என்று கூறியுள்ளார்.

பெலாரசியின் தலைநகர் மின்ஸ்கில் சிறையில் இருக்கும் கோல்ஸ்னிகோவா, எதிர்க்கட்சி ஒருங்கிணைப்புக் குழுவின் மூத்த உறுப்பினர்களுக்கு எதிரான குற்றவியல் விசாரணையின் ஒரு பகுதியாக தேசிய பாதுகாப்பைக் குறைமதிப்பிற்கு உட்படுத்தியதாக குற்றம் சாட்டப்பட்டுள்ளது. இந்நிலையில் அவரது குற்றம் நிரூபிக்கப்பட்டால், ஐந்து ஆண்டுகள் வரை சிறைத்தண்டனை அளிக்கப்படலாம்.