கேரளா உள்ளாட்சித் தேர்தலில் இடதுசாரிகள் கூட்டணி முன்னிலை

இடதுசாரிகள் கூட்டணி முன்னிலை கேரளாவில் நடைபெற்ற உள்ளாட்சி தேர்தலில் மார்க்சிஸ்ட் கம்யூனிஸ்ட் தலைமையிலான இடதுசாரிகள் கூட்டணி முன்னிலையில் உள்ளன.

கேரளாவில் கடந்த 8, 10, 14ம் தேதிகளில் 3 கட்டங்களாக உள்ளாட்சி தேர்தல் நடத்தி முடிக்கப்பட்டுள்ளன. கொரோனா வழிகாட்டு நெறிமுறைகளைப் பின்பற்றி நடத்தப்பட்ட இந்த தேர்தலில் 76 சதவீத வாக்குகள் பதிவாகி உள்ளன.

3 கட்டங்களாக நடைபெற்ற இத்தேர்தலில் பதிவான வாக்குகளை எண்ணும் பணி இன்று காலை முதல் தொடர்ந்து நடைபெற்று வருகிறது. இதில் ஆளும் மார்க்சிஸ்ட் கட்சியும், காங்கிரஸ் கட்சியும் அதிகமான இடங்களில் முன்னிலையில் உள்ளன.

பா.ஜ., ஒரு சில இடங்களை தவிர மற்ற இடங்களில் பின்தங்கியுள்ளது. காலை மாநகராட்சியில் மொத்தம் - 6 மார்க்சிஸ்ட் கம்யூ., தலைமையிலான இடதுசாரிகள் கூட்டணி - 4, காங்., கூட்டணி - 2, நகராட்சியில் மொத்தம் - 86 இடதுசாரிகள் கூட்டணி - 36, காங்., கூட்டணி - 40, பா.ஜ., - 3.

இதேபோல் மாவட்ட ஊராட்சிகள் மொத்தம்: 14. இதில் இடதுசாரிகள் கூட்டணி - 10, காங்., கூட்டணி - 4, ஊராட்சி ஒன்றிங்கள்: மொத்தம் - 152, இடதுசாரிகள் கூட்டணி - 98, காங்., கூட்டணி - 53, பா.ஜ., - 1, கிராம ஊராட்சிகள்: மொத்தம் - 941. இதில் இடதுசாரிகள் கூட்டணி - 444, காங்., கூட்டணி - 354, பா.ஜ., - 32. ஒட்டு மொத்தமாக இடதுசாரி கட்சிகள் கூட்டணி முன்னிலை பெற்றுள்ளது.