சென்னையில் அதி வேகமாக பரவும் மெட்ராஸ் ஐ .. சுகாதாரத்துறை அமைச்சர் முக்கிய அறிவிப்பு வெளியீடு

சென்னை: சுகாதாரத்துறை அமைச்சர் மா.சுப்பிரமணியன் முக்கிய எச்சரிக்கை ...தமிழகத்தில் பொதுவாக மழைக்காலங்களில் டெங்கு, சிக்கன்குனியா மற்றும் கண் தொடர்பான நோய்கள் அதிகளவில் ஏற்பட்டு வருகிறது. அந்த வகையில், தற்போது தமிழகத்தில் தொடர்ந்து மழை பெய்து வரும் நிலையில் மெட்ராஸ் ஐ தொற்று தீவிரமாக பரவி கொண்டு வருகிறது.

மேலும், இத்தொற்று ஒருவரிடம் இருந்து ஒருவருக்கு மிக வேகமாக பரவக்கூடியது என்பதால் நாளொன்றுக்கு மட்டுமே அதிகளவில் பொதுமக்கள் மெட்ராஸ் ஐ தொற்றால் பாதிக்கப்பட்டு வருகின்றனர். இந்த நிலையில், இந்த தொற்றால் பாதிக்கப்பட்டவர்கள் தமிழக அரசால் அங்கீகரிக்கப்பட்ட சொட்டு மருந்துகளை மட்டுமே பயன்படுத்தும்படி அறிவிக்கப்பட்டு உள்ளது.

மேலும் இதை தவிர மெடிக்கல்களில் விற்பனை செய்யும் எந்த வித மருந்துகளையும் பயன்படுத்த வேண்டாம் என்று அறிவிக்கப்பட்டுள்ளது.

பள்ளி குழந்தைகளுக்கு மெட்ராஸ் ஐ தொற்று ஏற்பட்டிருந்தால் பள்ளிக்கு அனுப்புவதை தவிர்க்கும்படியும், முழுமையாக தொற்று நோயிலிருந்து விடுபட்ட பிறகே குழந்தைகளை பள்ளிக்கு அனுப்பும்படி அமைச்சர் மா.சுப்பிரமணியன் தெரிவித்து உள்ளார்.