ரஷ்ய தாக்குதல்களால் கீவ் உள்ளிட்ட பல நகரங்கள் இருளில் மூழ்கின

கிவ்: ரஷ்யப் படைகள் மின் உற்பத்தி நிலையங்கள் மீது தாக்குதல் நடத்தியதால் உக்ரைனின் பல்வேறு பகுதிகள் இருளில் மூழ்கியுள்ளன. கிரிமியாவை ரஷ்யாவுடன் இணைக்கும் பாலத்தின் மீதான தாக்குதலுக்கு உக்ரைன் மீது குற்றம் சாட்டி, ரஷ்யா உக்ரைன் மீதான தாக்குதல்களை அதிகரித்தது.


மின் உற்பத்தி நிலையங்களை குறிவைத்து நடத்தப்பட்ட தாக்குதல்கள் தலைநகர் கீவ் உள்ளிட்ட நகரங்களை இருளில் மூழ்கடித்துள்ளன.

கடந்த 24 மணி நேரத்தில் 3 மின் உற்பத்தி நிலையங்கள் ரஷ்யாவால் தாக்கப்பட்டுள்ளதாக கூறியுள்ள உக்ரைன் அதிபர் ஜெலென்ஸ்கி, சீரமைப்பு பணிகள் முழுவீச்சில் நடைபெற்று வந்தாலும், அதை முழுமையாக சீரமைக்க நீண்ட காலம் எடுக்கும் என்றார்.

உக்ரைன் முழுவதும் நூற்றுக்கணக்கான நகரங்கள் மற்றும் கிராமங்களை பாதித்த மின் உற்பத்தி நிலையங்கள் குறிவைக்கப்பட்டு அழிக்கப்பட்டுள்ளன. மின் பயன்பாட்டை குறைக்கும் வகையில், தேவையற்ற மின்சாதனங்களை தவிர்க்குமாறு உக்ரைன் கோரிக்கை விடுத்துள்ளது.

உக்ரைனில் குளிர்காலம் தொடங்கியுள்ள நிலையில், மின்வெட்டு காரணமாக மக்கள் கடும் குளிரால் அவதிப்பட்டு வருகின்றனர். இதனிடையே, ரஷ்யாவுடன் இணைக்கப்பட்டுள்ள உக்ரைனின் பிராந்திய ராணுவ சட்டம் அமுல்படுத்தப்படுவதாக ரஷ்ய அதிபர் விளாடிமிர் புடின் அறிவித்துள்ளார்.