பெர்லினில் உறை பனி ஏரியில் உற்சாகமாக குளித்த ஆண்கள், பெண்கள்

பெர்லின்: உறை பனி ஏரியில் குளித்த பெண்கள்... ஜெர்மனி தலைநகர் பெர்லினில் கிறிஸ்துமஸ் தினத்தையொட்டி உறைபனி போர்த்திய ஏரியில் ஆண்களும், பெண்களும் உற்சாகமாக குளித்தனர்.

அவ்வாறு குளிப்பது உடலுக்கு ஆரோக்கியமானது என்று சீல்ஸ் குழுவினர் நம்புகின்றனர். 1980-ல் கிழக்கு ஜெர்மனியின் தலைநகராக இருந்த பெர்லினில், சீல்ஸ் கிளப் நிறுவப்பட்டது.

இதில், 12 முதல் 90 வயது வரையிலான 157 உறுப்பினர்கள் உள்ளனர். 40 வருடங்களுக்கு மேலாக நடைபெற்றுவரும் இந்த பாரம்பரிய நிகழ்வில், பெர்லின் சீல்ஸ் குழுவினர் 20-க்கும் மேற்பட்டோர் 2 டிகிரி குளிர் ஏரியில் குளித்து மகிழ்ந்தனர்.

தற்போது பெரும் பனிப்பொழிவு இருப்பதால் நீர் நிலைகள் அனைத்தும் உறைந்து போய் காணப்படுகிறது. இருப்பினும் இது பாரம்பரிய நிகழ்வு என்பதால் ஆண்களும், பெண்களும் உற்சாகமா குளித்தனர்.