இந்தியா- சீனா இடையில் ராணுவ மட்டத்தில் பேச்சுவார்த்தை

புதுடில்லி: பேச்சுவார்த்தை நடந்தது... இந்தியா சீனா இடையிலான ராணுவ மட்டத்தில் 19 வது சுற்றுப் பேச்சுவார்த்தை நடந்தது.

எல்லையில் சீனப் படைகள் குறைப்பதற்காக இந்தியாவின் இடைவிடாத முயற்சியின் ஒருபகுதியாக லடாக்கின் சூசுல் பகுதியில் நேற்று இருநாட்டு ராணுவ உயர் அதிகாரிகளும் சந்தித்துப் பேச்சு நடத்தினர். காலை 9.30 மணிக்குத் தொடங்கி, மாலை 5.30 மணிக்கு பேச்சுகள் நிறைவு பெற்றன.

இந்தப் பேச்சுவார்த்தையின் விவரங்கள் ஓரிரு நாளில் கூட்டு அறிக்கையாக வெளியாகும் என்று எதிர்பார்க்கப்படுகிறது. செப்டம்பர் மாதம் 9 மற்றும் 10ம் தேதிகளில் பிரதமர் மோடி சீன அதிபர் ஜி ஜின்பிங்கை ஜி 20 மாநாட்டின் இடையே சந்திக்க உள்ளார்.

அதற்கு முன்னதாக வருகிற 22 முதல் 24ம் தேதி வரை தென் ஆப்பிரிக்காவின் ஜோகனஸ்பர்க் நகரில் நடைபெற உள்ள பிரிக்ஸ் மாநாட்டிற்கு மத்தியிலும், இரு தலைவர்களும் சந்திக்க உள்ளனர்.