பாகிஸ்தானில் யாசின் மாலிக்கின் மனைவிக்கு கொடுத்து இருக்காங்க அமைச்சர் பதவி

இஸ்லாமாபாத்: ஜம்மு காஷ்மீர் விடுதலை முன்னணி (ஜேகேஎல்எஃப்) தலைவர் யாசின் மாலிக். காஷ்மீர் பிரிவினைவாதியான இவர், பயங்கரவாதத்திற்கு நிதியுதவி செய்த வழக்குகளில் தேசிய புலனாய்வு அமைப்பால் தண்டிக்கப்பட்டுள்ளார்.

யாசின் மாலிக் இந்திய பாதுகாப்புப் படையினருக்கு எதிராக பல வன்முறைத் தாக்குதல்களில் ஈடுபட்டுள்ளார்.

பயங்கரவாதிகளுக்கு நிதியுதவி செய்ததாகவும், அரசுக்கு எதிராக போர் தொடுத்ததாகவும் குற்றம் சாட்டப்பட்டு, தேசிய புலனாய்வு அமைப்பால் (என்ஐஏ) கைது செய்யப்பட்டார். 2019 இல் கைது செய்யப்பட்டு பின்னர் 2022 மே மாதம் ஆயுள் தண்டனை விதிக்கப்பட்டது.


இதற்கிடையில், பாகிஸ்தானின் தற்காலிக அரசாங்கத்தில் புதிதாக நியமிக்கப்பட்ட இடைக்கால பிரதமர் அன்வர்-உல்-ஹக் காக்கரின் அமைச்சரவையில் யாசின் மாலிக்கின் மனைவி முஷல் ஹுசைன் முல்லிக் அமைச்சராக நியமிக்கப்பட்டார்.

பாகிஸ்தான் அதிபர் ஆரிப் அல்வி வியாழக்கிழமை அனைவருக்கும் பதவிப் பிரமாணம் செய்து வைத்தார். 16 அமைச்சர்கள் பதவியேற்றனர். பாகிஸ்தானின் மனித உரிமை அமைச்சராக யாசினின் மனைவி முஷால் ஹுசைன் முல்லிக் நியமிக்கப்பட்டுள்ளார்.