அமைச்சர் செந்தில் பாலாஜி உடல்நிலை குறித்து அமைச்சர் மா.சுப்பிரமணியன் தகவல்

சென்னை: செந்தில் பாலாஜிக்கு மருத்துவ சோதனை நடைபெற்று வருவதாகவும், இன்று மாலைக்குள் நோய் பாதிப்பு மற்றும் சிகிச்சை பற்றிய தகவல்கள் வெளியாகும் என சுகாதாரத்துறை அமைச்சர் மா.சுப்பிரமணியன் தகவல் ...

சட்டவிரோத பண பரிமாற்ற தடை சட்டத்தின் கீழ் கைது செய்யப்பட்டு புழல் சிறையில் அடைக்கப்பட்டிருந்த செந்தில் பாலாஜிக்கு திடீர் உடல் நலக்குறைவு ஏற்பட்டது. இதையடுத்து அவருக்கு சிறை மருத்துவமனையில் சிகிச்சை அளிக்கப்பட்டது. ஆனால் எந்த வித பலன் கிடைக்காததால், அவர் ஸ்டான்லி மருத்துவமனைக்கு அழைத்து வரப்பட்டார்.

இதையடுத்து உடல் நலக்குறைவு காரணமாக ஸ்டான்லி அரசு மருத்துவமனையில் அனுமதிக்கப்பட்டிருந்த அமைச்சர் செந்தில் பாலாஜி ஓமந்தூரார் பன்னோக்கு அரசு மருத்துவமனைக்கு மாற்றம் செய்யப்பட்டு உள்ளார். அமைச்சர் செந்தில் பாலாஜிக்கு மீண்டும் ஆஞ்சியோகிராம் பரிசோதனை செய்ய மருத்துவர்கள் திட்டமிட்டுள்ளனர். அமைச்சர் செந்தில் பாலாஜிக்கு உயர் ரத்த அழுத்தம் இருப்பதாக தகவல் ஒண்டு வெளியானது.

இந்நிலையில், அமைச்சர் செந்தில் பாலாஜிக்கு மருத்துவ சோதனை நடைபெற்று வருவதாகவும், இன்று மாலைக்குள் நோய் பாதிப்பு மற்றும் சிகிச்சை பற்றிய தகவல்கள் வெளியாகும் எனவும் சுகாதாரத்துறை அமைச்சர் மா.சுப்பிரமணியன் கூறியுள்ளார். இதனை அடுத்து இது தொடர்பாக செய்தியாளர்கள் சந்திப்பில் பேசிய அவர், அமைச்சர் செந்தில் பாலாஜிக்கு மருத்துவ பரிசோதனை நடைபெற்று கொண்டு வருகிறது. இன்று மாலைக்குள் நோய் பாதிப்பு மற்றும் சிகிச்சை குறித்த தகவல்கள் வெளிவரும் என அவர் கூறினார்.