கூட்டணியில் இருந்து அதிமுக விலகியதாக நம்மையெல்லாம் ஏமாற்றி வருகிறது ..அமைச்சர் உதயநிதி

சென்னை: சென்னை அண்ணாநகரில் நடைபெற்ற கலைஞர் நூற்றாண்டு விழாவில் பேசிய அமைச்சர் உதயநிதி ஸ்டாலின், “நீட் தேர்வை முன்னாள் முதலமைச்சர் கருணாநிதி ரத்து செய்தார். முன்னாள் முதலமைச்சர் ஜெயலிதா இருந்த வரை நீட் தேர்வு தமிழ்நாட்டிற்கு வரவில்லை.

ஆனால் நீட் தேர்வை தமிழ்நாட்டிற்கு கொண்டு வந்தது யார் என்று உங்களுக்கு தெரியும். 9 ஆண்டுகால ஆட்சியில் பிரதமர் நரேந்திர மோடி என்ன செய்தார்? அதானி குடும்பம் மட்டுமே இந்த 9 ஆண்டுகால ஆட்சியில் வாழ்ந்தது.

இதையடுத்து 2018ல் 2020-க்குள் இந்தியா வல்லரசு ஆகிவிடும் என பிரதமர் மோடி கூறினார், தற்போது 2048-ல் இந்தியா வல்லரசு ஆகிவிடும் என கூறி கொண்டு வருகிறார்.

பாஜக கூட்டணியிலிருந்து அதிமுக விலகியதாக நம்மையெல்லாம் ஏமாற்றி கொண்டு வருகிறது. சேர்ந்து வந்தாலும் தனியாக வந்தாலும் வெல்லப்போவது திமுக தான்” என அவர் கூறினார்.