11ம் வகுப்பு படிக்க விண்ணப்பித்த அமைச்சர்; அரசியலில் இதெல்லாம் சகஜமப்பா!!!
By: Nagaraj Wed, 12 Aug 2020 09:35:58 AM
இப்போதான் 11ம் வகுப்பே படிக்க போகிறாரா என்று பெரும் விமர்சனங்கள் எழுந்துள்ளன. இந்த விமர்சனம் ஜார்க்கண்ட் மாநில அமைச்சர் பற்றிதான்.
ஜார்க்கண்ட் மாநில மனிதவள மேம்பாட்டுத் துறை அமைச்சர் ஜகர்நாத் மஹ்தோ அரசு உதவிபெறும் பள்ளியில் 11-ம் வகுப்பில் சேர்ந்து பயில விண்ணப்பித்துள்ளார்.
பொகாரோ மாவட்டத்தில் உள்ள தேவி மஹ்தோ உயர்நிலைப்பள்ளியில் அவர் படிப்பை
தொடர திட்டமிட்டுள்ளார். தும்ரி பேரவைத் தொகுதி எம்எல்ஏவாக இருக்கும்
ஜகர்நாத், அரசியல் அறிவியல் படிப்பைத் தேர்வு செய்து படிக்க இருப்பதாகவும்
குறிப்பிட்டுள்ளார்.
1995-ஆம் ஆண்டு பத்தாம் வகுப்பில் தேர்ச்சி
பெற்ற ஜகர்நாத், அதன் பிறகு பள்ளிப் படிப்பைத் தொடரவில்லை. இந்நிலையில்
பத்தாம் வகுப்பு மட்டுமே படித்தவரை ஜார்க்கண்ட் மாநில மனிதவள மேம்பாட்டுத்
துறை அமைச்சராக நியமித்திருப்பது குறித்து பல்வேறு விமர்சனங்கள் எழுந்தன.