ஜி.20 நாடுகள் மாநாட்டில் அதிகளவில் வெளியுறவுத்துறை அமைச்சர்கள் பங்கேற்பர்

புதுடெல்லி: வெளியுறவுத்துறை அமைச்சகம் தகவல்... ஜி20 நாடுகளின் 2 நாள் வெளியுறவு அமைச்சர்கள் மாநாடு புதுடெல்லியில் இன்று தொடங்கவுள்ள நிலையில், இதில் இதுவரை இல்லாத அளவில் ஏராளமான வெளியுறவு அமைச்சர்கள் பங்கேற்பார்கள் என இந்திய வெளியுறவுத்துறை அமைச்சகம் தெரிவித்துள்ளது.

கடந்த ஆண்டு டிசம்பரில், 20 நாடுகளைக் கொண்ட உலகின் மிகவும் சக்திவாய்ந்த குழுவான ஜி 20 இன் தலைமைப் பொறுப்பை இந்தியா ஏற்றுக்கொண்டது. இதையடுத்து இந்தியாவில் ஜி20 கூட்டமைப்பு சார்பில் தொடர் நிகழ்ச்சிகள் நடைபெற்று வருகின்றன. இதன் ஒரு பகுதியாக ஜி20 நாடுகளின் வெளியுறவு அமைச்சர்களின் 2 நாள் மாநாடு டெல்லியில் உள்ள ஜனாதிபதி மாளிகையில் இன்று தொடங்குகிறது.

இந்த மாநாடு குறித்து டெல்லியில் செய்தியாளர்களிடம் பேசிய வெளியுறவுத்துறை செயலர் வினய் க்வத்ரா, “இதுவரை நடந்த ஜி20 வெளியுறவு அமைச்சர்கள் மாநாட்டில் அதிக எண்ணிக்கையிலான வெளியுறவு அமைச்சர்கள் பங்கேற்கும் மாநாடாக இந்த மாநாடு அமையும்.

இந்த மாநாடு இந்திய மரபுவழி சிந்தனையை மையமாக கொண்டது. உலகமே ஒரே குடும்பம் என்று.சுதந்திர இந்தியாவின் பொற்காலம் என்பதால் இது தொடர்பான நிகழ்வுகள் உள்ளன. இந்த மாநாட்டில் 40 வெளியுறவு அமைச்சர்கள் பங்கேற்பார்கள் என்று எதிர்பார்க்கப்படுகிறது.

இந்த மாநாட்டில் பங்கேற்பதற்காக ரஷ்யா, பிரேசில், மொரீஷியஸ், துருக்கி, ஆஸ்திரேலியா உள்ளிட்ட நாடுகளின் வெளியுறவு அமைச்சர்கள் இந்தியா வந்துள்ளனர். முதல் நாளான இன்று நடைபெறும் முதல் அமர்வில் உணவு பாதுகாப்பு, எரிபொருள் பாதுகாப்பு உள்ளிட்ட அம்சங்கள் குறித்து விவாதிக்கப்பட உள்ளது. நாளை நடைபெறும் மாநாட்டின் 2 அமர்வுகளுக்கு இந்திய வெளியுறவுத்துறை அமைச்சர் ஜெய்சங்கர் தலைமை தாங்குகிறார்.