இந்த மாவட்டங்களில் ஜூலை 26 வரை ‘ஆரஞ்சு’ எச்சரிக்கை

இந்தியா: ஹைதராபாத் மற்றும் தெலுங்கானாவின் கொம்பள்ளி, செகந்திராபாத், போவன்பள்ளி, சுசித்ரா, சிந்தல், போலரும், குஷைகுடா, மாரெட்பல்லி, திருமல்கேரி, சில்கல்குடா, பேகம்பேட் மற்றும் கப்ரா ஆகிய பகுதிகளில் கனமழை பெய்துகொண்டு வருகிறது.

மேலும், மாநிலத்தின் பிற பகுதிகளில் வெள்ளிக்கிழமை பலத்த மழை பெய்தது, இதனால் நகரம் முழுவதும் மற்றும் மாநிலத்தின் பிற பகுதிகளில் தண்ணீர் தேங்கியது. குறிப்பாக, கம்மத்தில் 80 மிமீ மழையும், நல்கொண்டாவில் 25 மிமீ மழையும் மாலை வரை பதிவாகியுள்ளதாக ஹைதராபாத் வானிலை ஆய்வு மையம் தகவல் தெரிவித்துள்ளது.

இதுபோல் கனமழை ஜூலை 26 வரை தொடரும் என்று இந்திய வானிலை ஆய்வு மையம் (ஐஎம்டி) தெரிவித்துள்ளது. கனமழை பெய்யும் என கணிக்கப்பட்டுள்ள நிலையில், கிட்டத்தட்ட அனைத்து மாவட்டங்களுக்கும் ஆரஞ்சு மற்றும் மஞ்சள் எச்சரிக்கை விடுக்கப்பட்டுள்ளது.

மேலும், சூர்யாபேட்டை, மஹபூபாபாத், கம்மம், வாரங்கல் (கிராமப்புறம்), வாரங்கல் (நகர்ப்புறம்) மற்றும் ஜங்கான் மாவட்டங்களில் ஓரிரு இடங்களில் கனமழை முதல் மிக கனமழை வரை பெய்யக்கூடும். ஐஎம்டியின் அறிக்கையின் படி, ஹைதராபாத் மற்றும் அதை ஒட்டிய ஹைதராபாத் மற்றும் மேட்ச்சல் மல்காஜ்கிரி மாவட்டங்கள் உட்பட பல மாவட்டங்களில் தனிமைப்படுத்தப்பட்ட இடங்களில் கனமழை பெய்யக்கூடும் எனவும் தெரிவித்துள்ளது.