பாடசாலைகளுக்கு இலவச பரீட்சை முறையீடுகள் அறிவிப்பு

பிரித்தானியாவில் உள்ள பாடசாலைகளுக்கு இலவச பரீட்சை முறையீடுகள் செய்யப்படும் என்று தெரிவிக்கப்பட்டுள்ளது.

பிரித்தானியாவில் 280,000 உயர்தர மாணவர்கள் மதிப்பெண்கள் தரமிறக்கப்பட்ட பின்னர், தரங்களுக்கு எதிராக மேன்முறையீடு செய்யும் பாடசாலைகளின் செலவை அரசாங்கம் ஈடுகட்டும் என தெரிவிக்கப்பட்டுள்ளது.

மேன்முறையீட்டு செயன்முறையை மேற்பார்வையிட பாடசாலைகள் அமைச்சர் நிக் கிப் தலைமையில் ஒரு விசேட குழுவை அமைச்சர்கள் அமைப்பார்கள் என்று எதிர்பார்க்கப்படுகிறது. செப்டம்பர் 7 ஆம் திகதிக்குள் இந்த செயன்முறை முடிவடைய வேண்டும் என்று அரசாங்கம் முன்பு கூறியது.

வியாழக்கிழமை வழங்கப்பட்ட ஏ-லெவல் தரங்களில் கிட்டத்தட்ட 40% ஆசிரியர்களின் கணிப்புகளைக் காட்டிலும் குறைவாக இருந்தது, இது பாடசாலைகள், கல்லூரிகள் மற்றும் மாணவர்கள் மத்தியில் கோபத்தைத் தூண்டி இருந்தமை குறிப்பிடத்தக்கது.